Charlottes Montéblogg

5.plass i årets fyrste løp

2012-02-08T19:26:00.002+01:00

Eg var ute i mitt fyrste montéløp 31. januar. Då sat eg på ryggen til Easterboy K.K. Han hadde hatt nesten fire års løpspause så eg rei utan ambisjonar. Han kom seint til banen, så me fekk ei sein varming og gjorde den roleg slik at han skulle ha tid til å henta seg inn att. Frå start gjekk han fint. Me prøvde med draskylappar i løpet for at eg skulle klara å justera han undervegs i løpet.

I fyrste svingen fekk han mange ekstra bein å gå på og travet gjekk i alle retningar. Heldigvis klarte eg å hjelpa han rundt svingen. Han bryt litt utover på langsidene og innover på svingane. Så inn på andre svingen drog eg ned den innerste skylappen for å retta han opp litt og fokusera han. Eg prøvde å ri i fyrstespor slik at me hadde hest på utsida i håp om at det skulle skjerpa han. Den ytre skylappen drog eg ned på langsida for at han skulle halda seg i sitt spor. På siste langsida gjekk ein av konkurrentane trongt inn på oss, slik at me fekk ein stopp. Dermed måtte eg dra han ut og gå rundt konkurrenten. For å få farten på han tok eg opp skylappen på utsida og drog han ned att og det fungerte. Han gjekk heilt inn i mål, men etter stoppen på siste langsida fekk me for langt fram. Til slutt fekk me 5. plass på tida 1.18,4.

Eigaren var svært nøgd med 2500 kroner og premie i fyrste starten etter lang løpspause. Eg synest han skal få godkjent i dette løpet sidan han har vore lenge utan løpstrening. Han er nok litt bortskjemt og gjer litt som han vil, men han var betre i løpet enn i prøveløpet så eg trur han kjem til å verta ein fin montéhest når han får nokre løp i kroppen.

Nokre bilete frå løpet tekne av Rune Eikeland:

Easterboy K.K. i tredje innvendig.

Me var nøgde med premie i montédebuten etter mange års løpspause.

Løpsutstyret mitt

2012-01-29T19:28:00.001+01:00

Eg har fått førespurnad på å skriva ein blogg om utstyret eg brukar. Dermed tok eg bilete ein dag eg salte opp. Easterboy K.K. er modell.

Det fyrste eg legg på er sjabraken. Ein Formiga Air montésjabrak. Produsenten seier at sjabraken:
- Ledar vekk varme. Det fører til at sjabraken tørkar fortare.
- Materialet absorberer bra, opp til 300 % av eiga vekt. Hesten held seg tørrare og skadeeffekten frå fukt vert minimert.
- Materialet trykkutliknar. Sjølv om materialet er tynt kan ein ikkje trykkja saman sjabraken utan at trykket vert fordelt jamnt på ryggen.
- Innebygd kullfilter som hindrar sopp og mugg. Sjabraken er lettstelt og tørkar fort etter vask.
- Sjabraken ligg heilt stille og medverkar til betre prestasjonar.

Sjabraken er dyr, prisen er 1293 kroner, men eg synest den er verdt det. Eg er i alle fall nøgd med min, så eg har kjøpt ein til og har to no. Sjabraken finst berre i svart med grå/kvit kant. Eg ville helst hatt den i blå/kvit/svart, men sidan den vert liggjande under nummerdekkenet spelar det ikkje så stor rolle.

Sjabraken kan du kan kjøpa hjå Hestens beste .

Eg legg så på salen, ein 1,5 kg Zilcosal. Salen er eg nøgd med. Den er litt lang, men kneputene er veldig gode og salen hindrar ikkje hesten sine rørsler noko særleg. Eg har og ein 700g Zilcosal. Den er litt liten synest eg, for eg føler ikkje eg har god nok balanse til å stoppa hissige hestar eller kraftige kaldblodsar om dei galopperer med denne salen. Eg har bruka han nokre gonger, men likar han best når eg rir varmblodshestar på autostart. Når det er voltestart og eg har ein hest som ikkje er heilt trygg i volten føler eg den gjev for lite støtte.

Gjorden eg brukar er og Formiga Air-materialet. Gjorden har strikk i begge endar, så eg strammar litt på kvar side når eg strammar salen. Eg festar halereima på vanleg måte, den gløymde eg å ta bilete av, men det er ein Zilco halereim som følgde med då eg kjøpte salen. Gjorden ligg på vanleg plass og har to fester i salen.

Salane kan kjøpast på Dyresport.no. Komplett pakke 1,6 kg kostar 4175 kroner. Om du berre skal ha salen utan tilbehøret kostar han 3198 kroner. 700g-salenkostar 2548 kroner utan tilbehør.
Gjorden kan kjøpast hjå Hestens beste. Gjorden kostar rundt 700 kroner.

Gjorden strammar eg litt og litt på begge sider.

Eg brukar alltid rett-over-bryst når eg rir. Dersom salen sklir stoppar ikkje brystet hesten sine rørsler på same måte som om du har eit y-bryst som er festa mellom beina til hesten og i gjorden.

Du kan kjøpa bryst i dei fargane du vil. Når eg rir løp bruker eg eit med namnet mitt på. Eg har tre ulike typar med namnet mitt på og mange andre i ulike kombinasjonar med blå. Brystet får du kjøpt hos Dyresport.no.

Eg festar brystet med klipsen i metallet på gjorden.

Når eg legg på ekstragjorden legg eg den over begge gjordreimane på begge sider. Dette gjer at eg får eit lag mellom spennene og foten min, dermed får eg mindre vondt av spennene.
Slik ser det ut:

Ekstragjorden trekk eg gjennom dei to stroppene på salen, plasserer utenpå begge spennene på gjorden og legg han midt på gjorden under magen slik at han ikkje ligg direkte på hesten og lagar gnag.

Stigbøylane mine har eg under salkappa. I byrjinga hadde eg ein reim over salkappa og ein under, men eg fekk blåmerker og vondt av det, så no har eg begge reimane under og er komfortabel med det.

Stigbøylane mine er aluminium galoppstigbøylar som er 12 cm breie. Eg måtte kjøpa nye då eg kjøpte nye sko som var breiare over tåa. Eg likar dei små galoppstigbøylane med svart beskyttelse betre, men dei er for små for dei nye skoa mine. Når eg rir med gummistøvlane mine brukar eg dei minste stigbøylane.

Slik ser det ut når alt utstyret er sett på.

Eit bilete av Easterboy K.K. med montésalen.

Tøylane eg rir med er montéstegtøylar. Med dei føler eg at eg har betre tak i hesten og eg har litt ekstra støtte i tøylane om hesten er hissig og eg vert sliten. Det er lettare å halda eit fast grep i desse enn i gummitøylane synest eg.

Eg har gått over til Wahlsten sine montétøylar. Det er den korte modellen. Tøylane eg har ridd med før var lenger totalt, og det var lenger frå bittfestet til første løkka. Eg opplevde at dei lange tøylane hekta seg innpå foten min i varming/løp, og det likte eg ikkje. Denne korte modellen er mykje tryggare. Dei er litt ubehagelege i skritt om du har ein hest som dreg ned hovudet, men i jogg/trav er dei betre enn dei andre eg har prøvd synest eg. No har eg ridd to prøveløp med dei og er så langt nøgd. Dei finst i både svart og brun. Tøylane er dyrare enn andre, men eg meiner dei er verdt det. Lærtøylar i skikkeleg kvalitet og tryggare. Sikkerheita fyrst.

Du kan kjøpa dei hjå Dyresport.no.

Dei hestane som skal ha drasjekk brukar eg montédrasjekken på. Eg gløymte å ta bilete av den, men den ser slik ut:

No kjøper eg alt utstyret mitt hjå Dyresport.no (med unntak av sjabraken og gjorden eg brukar). Rett og slett fordi dei skaffar alt eg vil ha og er billegaste leverandøren. Dei har god service og leverer varene.

Rideutstyret mitt har eg ikkje teke bilete av, men eg brukar lærridestøvlar frå Mountain horse. Kvite ridebukser av typen TKO. Om sommaren brukar eg sommarbuksa, regnbuksa når det regnar og vinterbuksa når det er kaldt. Om vinteren rir eg med ullundertøy. Eg brukar TKO sine sommarhanskar. I briller brukar eg litt ulike typar, men for tida brukar eg briller med strikk på. Hjelmen min er ein lakkert versjon frå Mira.

Eg trur eg har vore gjennom alt no. Eg er nøgd med rideutstyret mitt og kan absolutt anbefala det vidare.

Årets fyrste montéløp

2012-01-25T20:37:00.000+01:00

På tysdag skal eg ut i mitt fyrste montéløp for året. Det vert på montédebutanten Easterboy K.K. som eg godkjente 14. januar i år. I prøveløpet trava han 1.20,0 enkelt med proppane i, men han var litt skeiv på svingane og skjente litt utover i banen. Kanskje han går betre saman med hestar. Me har 20 meter tillegg, og han står fint på tillegget grunnlagsmessig, men det er gode hestar både framføre og bak. Om han klarer ein premie i debutløpet må me vera nøgde. Det er heile fem debutantar i feltet på åtte hestar så det er vanskeleg å plukka vinnaren. Eg trur Zenitzia kan gå sigrande ut av dette løpet, men om ho rotar seg bort er det veldig ope.

Motstanden:
1. Emil Wibb: Har berre prøveløp bak seg. Då gjekk han 1.21,4 med galopp. Kristine rei han i prøveløpet og valgte å ri han i løpet. Då eg snakka med ho i går verka det som ho hadde litt tru på han. Har lågt grunnlag og har nesten galoppert i alle sulkystartane sine. Sannsynlegvis ein hest som har fordel av å stå framme. Det vert spennande å sjå kor god han er.
2. Zenitzia: Gjekk prøveløp på 1.20,9 åleine. Ho gjekk ei lokalkøyring på Forus i september i fjor og leverte eit svett løp frå strek. Ho opna fort og sprang fortare og fortare, og det resulterte i ein flott siger. Anette eig hoppa, trenar og rir løpet så ho kjenner ho godt. Eg trur fort dette kan vera vinnaren, sjølv om det er debuten.
3. Ciba: Ein hest eg ikkje kjenner til. Kjem nok som reisefølgje for stallvenninna Lykkeflicka. Ho har berre prøveløp bak seg. Då trava ho 1.23,2 med Siv Emilie Løvvold på ryggen. Eg er veldig usikker på kva denne kan og ho er svært vanskeleg å vurdera. Gjekk eit dårleg sulkyløp på Bjerke onsdag og stoppa veldig på sprint då, så er vel kanskje ein premiekandidat i fyrste omgang.
5: Yunin Boko: Har tre montéløp bak seg, men har ikkje overbevist. Det beste resultatet er ein 5. plass, og eg trur han må vera nøgd med premie i dette selskapet sjølv om han var forbetra i sin siste sulkystart.
6. Super Harald: Ein spennande montédebutant. Han trava 1.22,9 med galopp i prøveløpet, men eg trur han kan betre enn det. Om han held seg i trav og liker å gå under sal kan han fort blanda seg inn i trippelkampen. Lise er god å ri og kan gje hesten eit fint løp, og om det løyser seg kan han kanskje til og med vinna i debuten.
7. Kings Centaurus: Han har ikkje vore heilt på topp i sine siste startar, men har gått mot mykje tøffare motstand. Her står han 60 meter bak Zenitzia og om den held seg til trav trur eg Centaurus får problemar med å henta inn tilleggget. Han er i rett lag her og bør vera på trippelen.
8. Ronald Star: Har gått tre løp no. Eg rei han i det fyrste løpet. Då var han vanskeleg i volten og vanskeleg å få opp farten på, men han leverte ei fin varming. Han har ikkje overbevist i monté endå, og hadde nok hatt fordel av autostart. Om han ikkje er blitt betre i volten er eg redd han taper for mykje. Han må ha gått fram med dei to montéløpa han har gåttt for å hevda seg her.

Løp: 1 Montéløp (ca. kl. 18:00)
Montéløp Varmblods. 4-12-årige. 2040 m. Tillegg 20 m ved vunnet 80.000 kr., 40 m ved 150.000 kr., 60 m ved 350.000 kr. Premier: 14.000-7.000-4.000-3.000-2.500-(2.000) kr.
Varmblods Volte

Dist.	Nr	Hestens navn	Kusk	Inntjent	Volt	Auto
2040	1	Emil Wibb	Kristine Kvasnes	9.500	1.18,7v	1.19,1a
2040	2	Zenitzia	Anette Selliken	61.000	1.17,5v	1.16,7a
2060	3	Ciba	Katrine Olsen Wågenes	106.500	1.17,3v	1.15,4a
2060	4	Easterboy K.K.	Charlotte Steine	137.250	1.17,9v	1.16,8a
2060	5	Yunin Boko	Gunn Elisabeth Vigane	150.147	1.17,2v	1.14,4a
2080	6	Super Harald	Lise Hjetland	333.600	1.16,5v	1.13,0a
2100	7	Kings Centaurus	Kari Anne Knutsen	634.893	1.15,5v	1.13,3a
2100	8	Ronald Star	Brit Lea	1.097.670	1.14,2v	1.12,8a

Foto: Rune Eikeland

Nytt design

2012-01-22T19:30:00.002+01:00

No har eg oppdatert bloggen min med nytt design og ny header. Eg har brukt blånyansar slik at det skal stå i stil til drakta mi. Sidan eg ikkje har ridd løp med den nye drakta endå har eg brukt bilete med den gamle.

I headeren har eg brukt bilete frå fleire ulike fotografar. Oppe til venstre er eit bilete av Lillruben. Det er teke av Rune Eikeland og er teke i prøvestarten til sigersløpet vårt. Nede til venstre er eit bilete av Rousseau Detain som Eirik Blindheim tok i Bergen. Biletet er frå det fyrste sigersløpet vårt saman. Biletet midt på er frå min andre siger med Rei Spika. Fotograf på det er Åge Liland. Til høgre har eg eit bilete av meg på ryggen til C.C. Lina som Kristin Stokkedal har teke. Rousseau Detain er den beste hesten eg har ridd. Rei Spika er hesten eg vann mitt fyrste løp i karrieren med, så ho har ein spesiell plass i hjarta mitt. Lillruben er ein krigar som eg synest det er stort å få ri. C.C. Lina har gjort fleire overraskande gode løp med meg på ryggen. Headeren har eg laga sjølv i Photoshop.

I år har eg planar om å oppdatera før løpa eg rir og resultatar etterpå slik som før. Tidlegare har eg ikkje skrive om løpa eg køyrer, men det vil eg gjera i år og sidan eg køyrer nokre ungdomsløp og dameløp. Så då vert det nok litt meir aktivitet her i løpet av året. Bloggen min er berre knytt til min karriere i løpsbanen og det vil eg at han skal halda fram med.

Easterboy K.K. godkjent

2012-01-15T13:23:00.000+01:00

I går rei eg prøveløp på Easterboy K.K. Det var fyrste gong eg brukte den nye drakta som er sponsa av dyresport.no. På førehand hadde eg ikkje heilt tru på denne, sidan han ikkje hadde starta sidan mai 2008. Då eg kom til Forus møtte eg eigaren. Han var ein hyggeleg og svært tolmodig mann. For han kunne fortelja at hesten ikkje hadde vore skada, men at han hadde bruka tida på å trena og at hesten hadde gått på beite om sommarane. I varminga rei eg fire rundar. På sisterunden lot eg han strekkja på beina litt for å kjenna korleis han var. Då trava han veldig fint i god fart rundt ein sving, men han brøyt litt innover.

Eg fekk tips om å ta det litt roleg frå start, fordi han kunne verta gira og galoppera, dermed gjorde eg det. Me opna veldig rolig. Kristine ville ikkje ri i tet, så eg rei fram og overtok føringa. Første 500 meterane opna me på rolige 1.24,4. Då hadde eg fått gang på han og han tok avgarde i 1.16-fart den neste 500 meteren, slik at 1000 meterspasseringa vart 1.20,4. Siste runden gjekk han i jamnt tempo. I nest siste svingen og på langsida brøyt han litt utover, så eg konsentrerte meg berre om å halda han i førstespor og at han skulle få godkjent. Han haldt farten fint inn i mål, og eg hadde ikkje behov for å fra ut proppane frå øyrene hans. Dette var ein fin hest. Han har lågt grunnlag, men om han viser framgang med litt meir rutine under sal så trur eg dette er ein fin montéhest. Tida hans vart 1.20,0 til slutt.

Nokre bilete teke av Rune Eikeland:

Den nye drakta debuterer i prøveløp

2012-01-11T21:05:00.001+01:00

På lørdag er det V75-kjøring på Forus, og eg har fått hest å ri i prøveløp før løpa startar. Denne gongen skal eg prøva å godkjenna den 10 år gamle valakken Easterboy K.K. Han har ikkje starta travløp sidan mai 2008, men gjekk prøveløp med sulky 3. januar i år. Då gjekk han 20,9 med galopp. Han har tjent 137.250 kroner og har rekordar på 1.17,9M og 1.16,8aM. Hesten har starta 43 gongar og trava fyrst over mål fem gonger.

Eg kjenner ikkje til hesten eller eigaren, men synest det er kjekt å få prøva nye hestar. Dess fleire hestar eg rir, dess betre vert eg å ri, og det er ein fordel.

Løp: 20 Monté Prøveløp (ca. kl. 12:45)
Monté Prøveløp Alle. 2040 m. Voltestart.
ALLE Volte

Dist.	Nr	Hestens navn	Kusk	Inntjent	Volt	Auto
2040	1	Earlina	Kristine Kvasnes	92.277	1.16,9v	1.15,4a
2040	2	Easterboy K.K.	Charlotte Steine	137.250	1.17,9v	1.16,8a
2040	3	Yankee Splinter	Lise Hjetland	243.939	1.18,8v	1.12,0a
2040	4	Gallant Victory	Malin C. Stokke	68.500	1.17,9v	1.15,8a

Bilete av Easterboy K.K. frå 2005, lånt av Hesteguiden.com.

Dette prøveløpet vert fyrste gongen den nye drakta mi kjem ut i løpsbanen. Eg gler meg til å ta ho i bruk!

Famous Tile vart godkjent

2012-01-07T18:39:00.002+01:00

I prøveløpet på tysdag rei eg Famous Tile. Ho kjendes spenstig og fin ut i varminga. Det var tre varmblodsar i prøveløpet. Frå start tok dei to andre opp, så eg rei fram i tet. Begge dei to andre galopperte seg bort, så då måtte eg ri åleine og stola på eigen fartsfølelse. Det var ingen passeringstider, og dermed var det vanskelegare å vurdera kor fort eg måtte ri. Famous Tile var ei kjekk hoppe og ho gjekk berre å klippa i øyrene og trava fint. Ho kom i mål på tida 1.25,0, så det var akkurat det ho trong for å verta godkjent.

Eg rei med Wahlsten sin sikkerhetsvest for fyrste gong i prøveløpet. Den fungerte fint, men sklei litt opp undervegs, så eg må prøva å finna ein måte å justera det på, slik at han held seg på plass. Eg rei og med Wahlsten sine korte montétøylar. Dei var heilt fantastiske, og verkeleg verdt kvar ei krone. Det er tøylar som har løkkene lenger framme, og dei er kortare, slik at dei ikkje utgjer noko fare for å henga seg fast rundt rytteren sine bein. Du kan kjøpa begge deler på dyresport.no.

Begge bileta er tekne av Rune Eikeland.

Startar året med prøveløp

2012-01-01T19:52:00.003+01:00

På tysdag startar eg eit nytt år i løpsbanen. Den fyrste oppgåva mi er å godkjenna den 5 år gamle Credit Winner-hoppa Famous Tile. Ho har på 23 startar vunne eitt løp, fått tre andreplassar og ni øvrige plasseringar og tjent 48.500 kroner til eigarane sine. Ho har rekordar på 18,4M og 15,9aK. Mora er Hoppe-Kriterievinnaren Real Princess. Det er ei hoppe med fin stamme. Eg har ikkje fulgt med ho i løpsbanen, men eg ser fram til å prøva ein ny hest under sal. Så får me håpa ho likar det, oppfører seg fint og går godkjent. Det er to andre varmblodshestar med, så då får eg kanskje testa ho litt i rygg slik at ho får kjenna på spruten i monté og. Det vert kjekt å ri att, og eg håper eg klarer å godkjenna ho.

Løp: 21 Monté Prøveløp (ca. kl. 17:25)
Monté Prøveløp Alle. 2040 m. Voltestart.
ALLE Volte

Dist.	Nr	Hestens navn	Kusk	Inntjent	Volt	Auto
2040	1	Thierry News	Kristine Kvasnes	92.200	1.18,2v	1.15,2a
2040	2	Delphis Lantern	Anja Espeland	220.965	1.16,5v	1.15,1a
2040	3	Famous Tile	Charlotte Steine	48.500	1.18,4v	1.15,9a
2060	4	Doktor Jaros	Anne-Marie Mattingsdal	121.000	1.28,3v	1.29,0a

Godt nytt år

2011-12-31T16:26:00.000+01:00

Då var året slutt. Eg vil takka alle hesteeigarane og trenarane eg har ridd og køyrt for i året som har gått. Takk for det gamle. Måtte alle mine lesarar ha eit godt nytt år. Eg tek nye tak og jobbar framover mot eit nytt år i løpsbanen. Eit nytt år med nye sjansar og nye mogelegheiter.

Oppsummering av året 2011

2011-12-30T20:12:00.000+01:00

I år har eg ridd mykje fleire løp enn noko gong tidlegare. Eg har i tillegg køyrt fleire løp enn før. Det har vore veldig opp og ned resultatmessig. Dette året har eg vore ute i totalt 46 løp, av dei var 36 montèløp.

Januar: Eg starta året med eit gjesteoppsitt på C.C. Lina, som eg fekk ri for Kari Anne Knutsen. Det gjekk betre enn forventa og resulterte i 2. plass på 18,9 over mellomdistanse. Så prøvde eg meg på galopphesten Rigelstein på Sørlandet, noko som ikkje var enkelt. Dermed vart det uplassert. Eg fekk så sjansen til å ri Ronald Star. Han skjønte ikkje heilt kva det gjekk i, og enda uplassert. I januar rei eg inn 10.000 kroner.

C.C. Lina, foto Linda Bø. Rigelstein, foto: Kristin Stokkedal.

Februar: Månaden etter rei eg to løp. Fyrst Rigelstein som galopperte seg bort. C.C. Lina var den andre hesten eg rei, på Sørlandets travpark. Resultatet vart ein fjerdeplass og 3.000 kroner innridd denne månaden.

C.C. Lina, foto: Linda Bø.

Mars: Det var C.C. Lina eg rei fyrste løpet mitt på i mars månad og. Ho gjekk eit sterkt løp og fekk 2. plass med 8.000 i premie. Etterpå prøvde eg meg på ryggen til Rigel Elden. Det gjekk greit og me fekk 5. plass og 2.500 kroner. Etter det godkjente eg min fyrste hest for året; Delphis Lantern. Han gjekk 1.21,5 enkelt frå tet i prøveløpet, og eg trudde han skulle kunna tjena fine pengar i montè etter prøveløpet. Eg fekk gjesteoppsitt på Augne Troll i eit løp i Bergen 26. mars. Det gjekk bra og han fekk 3. plass og 4.000 kroner. Siste dagen i mars var det dags for montèdebuten til Delphis Lantern. Han galopperte og tulla litt, og overbeviste ikkje heilt. Resultatet vart 5. plass og 2.500 kroner. Dermed rei eg inn 17.000 kroner i mars.

Augne Troll, foto: Eirik Blindheim. Rigel Elden, foto: Arnfinn Roaldsøy

April: Augne Troll fekk eg oppsitt på i april òg, men han var ikkje like imponerande då og vart diskvalifisert for galopp. Han vart avliva ei stund etterpå. Eg godkjente Lillruben i montè denne månaden. Han gjekk eit fint prøveløp, var litt vrien i volten, men gjekk 19,7. Mitt fyrste sulkyløp kjørte eg denne månaden. Det var med Dobb Nalan. Me fekk teten og haldt nesten til mål, og det vart 3. plass og 4.000 kroner. Eg prøvde meg igjen med Delphis Lantern, men han ville ikkje særleg mykje under sal og enda med ein 6.plass i eit løp der han stod fint inne. Han fekk med seg 2.000 kroner for det. I april kjørte og rei eg inn 6.000 kroner totalt.

Delphis Lantern, foto: Pia Eidenbom. Dobb Nalan, foto: Eirik Blindheim.

Mai: C.C.Lina var fyrste hesten eg sette meg på ryggen til i Mai. Det enda med 5. plass og 2.000 kroner. Så prøvde eg meg i sulkyen bak Særheims Kongen. Han fungerte ikkje heilt i travet og galopperte frå tet i nest siste svingen. Hesten vart flytt til Øystein Tjomsland og gjorde det skikkeleg godt resten av sesongen. Eg reiste til Bergen for å ri Lillruben i hans montèdebut. Det gjorde han på ein flott måte og fekk ein fin 3. plass og 4.000 kroner. Eg avslutta månaden med eit løp på Rigel Elden på Sørlandet. Han gjekk godt og fekk 4. plass og 3.000 kroner. Totalt rei eg inn 9.000 kroner denne månaden.

Særheims Kongen, foto: Rune Eikeland. Lillruben, foto: Eirik Blindheim

Juni: Sommaren starta eg med prøveløp på Vertigo Jette. Ho trava overraskande godt og fekk godkjent på 1.34,8. Same dagen rei eg Lillruben inn til 3. plass og 4.000 kroner. Etter det var det Hage Svarten som var ute i prøveølp. Han virka veldig fin i trening, men han var ikkje sterk nok til å bæra rytter heile distansen og falt ut av travet til slutt. Dermed vart han rapportert og ikkje godkjent. Same dagen fekk eg ri Fin Fyr i eit løp, ein kjekk herremann som fekk 4. plass og 3.000 kroner. Lillruben tok turen til Forus for å prøva seg i montè med autostart, resultatet vart bra og han klatra opp til 2. plass og tok 10.000 kroner med seg heim til Bergen. Så var det klart for Noregsmeisterskapen for montèrytterane, der eg skulle delta for fyrste gong. Det var artig å få ri tre løp på ein dag, sjølv om resultata ikkje var dei beste. Fyrste løpet rei eg hissige Rubinstern som galopperte seg vekk direkte. Andre løpet rei eg på Park Heaven. Då me drog av skoa hennar vart alt feil og ho galopperte seg bort. Det siste løpet fyrste dagen rei eg Keep On Turning som gjekk eit greit løp til 5. plass og 3.000 kroner. Dagen etter rei eg kjekke Stjerne Ask. Han galopperte frå start, men gjekk skikkeleg godt til 6. plass etterpå. For det fekk han 2.000 kroner. Så fekk eg eit gjesteoppsitt på Solberg Spikern i eit rekruttløp, der fekk me 5. plass og 2.500 kroner. Mitt siste oppsitt denne månaden hadde eg på Tangen Vinn. Han gjekk feilfritt etter litt utstyrsendringar og fekk 6. plass og 2.000 kroner. Totalt denne månaden var eg ute i 10 løp denne månaden og kjørte/rei inn
36.500 kroner.

Fin Fyr, foto: Rune Eikeland. Keep On Turning, foto: Julie Kjærmann-Jensen.

Stjerne Ask, foto: Anders Kongsrud. Rubinstern, foto: Øyvind A. Brusletten.

Juli: I juli rei eg ingen løp, og eg fekk heller ikkje køyra nokon.

August: Bursdagsmånaden min starta eg på beste måte. Lillruben tok turen til Forus igjen, og han knuste feltet frå dødens til ein råsterk seier og 12.000 kroner inn på kontoen. Nokre dagar seinare rei eg Fordnes Corrado. Han fungerte ikkje og galopperte seg vekk. Eg godjente Carolina K.. Ho gjekk prøveløp på 38,3 og var litt sprutredd. Ho har ikkje debutert endå. Same dagen rei eg løp på Shocking Love. Heller ikkje han fungerte som han skulle og vart fråsprunge og enda uplassert. Eg tok turen til Sørlandet for å ri C.C. Lina att. Ho var heilt tullete og galopperte seg vekk. Månaden avslutta eg med eit dameløp der eg køyrde Eggen Prins. Han fekk 4.plass og 3.000 kroner. Då vart det 15.000 kroner innkjørt/-ridd.

Seiersløpet med Lillruben, foto: Rune Eikeland. Shocking Love, foto: Eirik Blindheim.

September: I september rei eg ikkje inn ei krone, sidan eg berre rei uplassert på Misty Valley N. i Bergen.

Misty Valley N., foto: Eirik Blindheim

Oktober: Eg starta månaden med 2. plass med Lillruben. For det fekk han 10.000 kroner. Så var det klart for montèdebuten til Vertigo Jette. Ho virka fin heilt til det kom hestar opp på sida, då tok ho avgarde i galopp og øydela sjansane sine. Min fyrste sulkysiger for året kom då eg sjokkvann eit rekruttløp med Eggen Prins. Han fekk 14.000 kroner for det. Lucky Hillmann køyrde eg og ungdomsløp med, til 6. plass og 2.000 kroner. Eg prøvde meg for fyrste gong på sprint med Lillruben i Bergen, men han var ikkje i slag den dagen og løpet vart feil. Han hadde berre fått trippelplasseringar fram til dette løpet, som han fekk 6. plass og 2.000 kroner. Dermed vart det 28.000 kroner innridd/-kjørt denne månaden.

Eggen Prins, foto: Rune Eikeland. Vertigo Jette, foto: Eirik Blindheim.

November: Vintermånadane innleda eg med å ri ein millionær for fyrste gong. Smooth Moves var ein kjekk herremann. Me fekk løpet øydelagt i starten, men fekk 6. plass og 2.000 kroner for det. Seinare på dagen satte eg meg opp i sulkyen bak Pay Back Money, som me kjøpte i august. Han fekk eit fint løp i tredje innvendig og svarte med å spurta inn til flott seier på 1.15,8 og 14.000 på konto. Så tok eg turen til Bergen. Fyrst rei eg Misty Valley N. som enda uplassert, men gjekk raskare enn ho har gjort i montè tidlegare. Fodnes Grane gjorde me nokre utstyrsendringar på og då gjekk han feilfritt og fekk 7. plass og 2.000 kroner. 22. november var det klart for finalane i Rekruttserien på Forus travbane. Fyrst galopperte eg frå start med Pay Back Money, men kom tilbake og fekk 6. plass og 2.000 kroner. Så avslutta eg med 2. plass med Eggen Prins og 10.000 kroner. Det hjelpte meg til å få 2. plass i Rekruttserien på Forus og gåvekort på 3.000 kroner. Totalt tente eg 30.000 kroner til hesteeigarane denne månaden.

Smooth Moves, foto: Rune Eikeland og Kristin Stokkedal

Pay Back Money, foto: Kristin Stokkedal og Rune Eikeland.

Desember: Årets siste månad starta eg med prøvløp på Grand Du Ling. Det var ingen montèhest, så han vart ikkje godkjent. Så rei eg Lillruben inn til ein 4. plass og 3.000 kroner. K.L.M. Kilroy fekk eg ri att, men han var veldig dårleg for dagen og enda sist. Løpet avslutta eg med eit sulkyløp i rekruttserien i Bergen. Ulsrud Rigg drog vogna og leverte eit fint løp til 2. plass og 7.000 kroner. Så eg avslutta året på same måte som eg starta det.

Totalt: Eg har vore i banen 46 gongar i år, atten løp meir enn i fjor. Til slutt enda eg med tre sigrar, seks andreplassar og fire tredjeplassar. I tillegg hadde eg atten øvrige premiar og 154.500 kroner innkjørt. Det var 9.000 kroner meir enn i fjor. 36 av løpa var travritt, med resultatet ein siger, fire andreplassar, to tredjeplassar og fjorten øvrige premiar. 92.000 kroner rei eg inn for hesteeigarane mine i år. Det var eit år med både oppturar og nedturar. Eg fekk prøva mange ulike hestar og ri for fleire nye eigarar. Eg fekk godkjenna nokre hestar, og fekk til og med ri ein millionær. Dette året har eg ridd NM og eg har vore ute i fleire løp enn nokon sesong før, og det er eg nøgd med.

Til slutt vil eg takka alle hesteeigarane som har gjeve meg sjansen i banen i år. Eg set stor pris på det.

Sponsorpakke

2011-12-18T19:28:00.000+01:00

På fredag kom endeleg ei kjekk julegåve på forskudd til meg. Eg har, som eg skreiv i eit innlegg tidlegare, fått meg ny sponsor. Pakken med ny drakt var artig å få i posten.

Slik ser den ut:

Litt detaljar:

Hjelmtrekket eg fekk, sidan eg har lakkert hjelm frå før:

Denne skal eg frakta salen og utstyret mitt i:

I tillegg fekk eg sikkerheitsvest frå Wahlsten. Den var veldig behageleg å ha på seg, så eg ser fram til å prøva den i banen.

I pakken kom og eit nytt sett med montétøylar i ein kortare versjon som eg har bestilt. Dei såg korte ut, men eg skal testa om det er tryggare med korte enn lange, for dei kan i alle fall ikkje henga seg fast rundt foten når eg rir.

Elendig Kilroy

2011-12-18T19:09:00.001+01:00

På Forus tysdag 13. desember rei eg K.L.M. Kilroy for Kari Anne Knutsen. Han varma veldig fint, kjentes spenstig og sprek ut. Me fekk ein god start og han var raskt framme i dødens. Eg prøvde å roa han ned og koma meg ned i fyrstespor, men han var hissig og me kom ikkje inn nokre plasser. Dermed vart me hengjande i dødens ein runde. Ein runde frå mål slapp han bittet og vart uinteressert, eg kom ned i tredje innvendig. Etter det gjekk han dårlegare og dårlegare. I siste svingen kjentes det ut som han vart halt, kanskje han koda over, for han vart heilt hjelpelaus. Så eg støa han berre inn til mål, men han gjekk seinare og seinare og enda sist.

Biletet er frå varminga. Foto: Rune Eikeland/travtanker.com

K.L.M. Kilroy på Forus i morgon

2011-12-12T12:30:00.002+01:00

I det fyrste løpet på Forus i morgon skal eg på nytt prøva meg på ryggen til K.L.M. Kilroy igjen. Eg har ridd han ein gong før, 2. november i fjor, og det resulterte i 3. plass på 18,9. Han har vore i meget bra form i haust. No har han ikkje starta sidan 18. november og då enda han uplassert. Før det starta han 22. oktober, så han har nok ikkje toppformen inne lenger sidan han har få løp i kroppen. Me skal ut i eit lite felt med berre sju hestar, og kun Bar Story på strek. Om formen er intakt og han får eit fint løp får han kanskje ein premie her.

Motstanden:
1. Bar Story: Har galoppert mykje i det siste, og har dermed mange dårlege plasseringar, men han likar monté. Han står åleine på strek og får kanskje tid til å roa seg ned i front før angriparane kjem, og då kan han kanskje leda heilt inn utan galopp.
2. Moreno: Gjekk ikkje noko særleg i sitt siste montéløp, men var god i dei to løpa før det. Lise har godt tak på han og satsar nok aktivt framover med ein gong. Formen må vera tilbake om han skal kjempa om seieren, men han er nok uansett ein trippelkandidat.
3. Invisible Power: Montédebutant som berre har prøveløp på 1.20,5 bak seg. Malin Berås vinn med alt ho tek i dette året, så eg vert ikkje overraska om dette er nok eit montétalent sidan ho tek turen til Forus. Skal reknast med sjanse allereie i debuten.
5. Glide: Har hatt pause og har ikkje starta sidan 1. oktober, er behandla i perioden. Han er nok satt opp for løp og møter passande motstand, det spørs berre om han treng løp i kroppen etter 2,5 månads pause. Eg reknar med Kristine vil kjempa i toppen sidan ho startar med han.
6. Astral Projection: Debuterte i monté på Sørlandet 4. desember. Stoppa på sprint då. Imponerte ikkje meg og må nok vera forbetra for å vera med i toppen her. Premiekandidat.
7. Pretty Des: Overraska med fjerdeplass i debuten. Stod på strek og fekk fint løp då. Kan kanskje overraska igjen med det rette løpet, men er nok ein premiekandidat i fyrste omgang.

Løp: 1 Montéløp (ca. kl. 18:00)
Montéløp Varmblods. 4-12-årige høyest 450.000 kr. 2040 m. Tillegg 20 m ved vunnet 120.000 kr. Premier: 12.000-6.000-4.000-3.000-2.000-(2.000) kr.
Varmblods Volte

Dist.	Nr	Hestens navn	Kusk	Inntjent	Volt	Auto
2040	1	Bar Story	Kari Anne Knutsen	115.000	1.15,4v	1.15,5a
2060	2	Moreno	Lise Hjetland	400.384	1.15,8v	1.13,6a
2060	3	Invisible Power	Malin Berås	423.000	1.14,3v	1.14,1a
2060	4	K.L.M. Kilroy	Charlotte Steine	364.000	1.16,9v	1.14,6a
2060	5	Glide	Kristine Kvasnes	309.500	1.16,5v	1.15,6a
2060	6	Astral Projection	Brit Lea	244.500	1.15,1v	1.13,3a
2060	7	Pretty Des	Anette Veggeberg	204.200	1.15,2v	1.14,5a

4. plass og ikkje godkjent prøveløp

2011-12-02T20:56:00.001+01:00

Grand Du Ling virka som ein grei hest i varminga, han trava fint og oppførte seg på ein god måte. I volten til prøveløpet var han treig og fekk ikkje opp farten. Me låg i rygg ledar fyrste 500 meter, som gjekk så seint som 1.28. Då prøvde eg å gå ut eit spor for å få opp farten, men då fekk eg hovudet hans i fanget og travet gjekk i alle retningar. Eg prøvde å ta opp og roa han ned for å sjå om han trava betre då, men det gjorde han ikkje. Dermed valgte eg å bryta prøveløpet, for det er ikkje vits i å plaga hesten når det ikkje fungerer.

I montéløpet vart det ein omstart. Lillruben oppførte seg fint i volten til ein forandring, men han er treig og tapar mykje fart i starten. Me kom likevel greit i gang, men hadde litt trøbbel med å koma gjennom fyrste svingen på grunn av galopperande konkurrentar både framføre og på innsida, så me fekk eit par stoppar og mista all farten. Eg rei ut i andrespor og prøvde å få fart på han. Då tempoet vart auka på sisterunden vart me hengjande litt att. Ut på siste langsida fekk han farten opp, då eg drog skylappane. Han henta mange meter på dei ledande fire hestane. I siste svingen låg Buck Brodde i andrespor, så eg tenkte eg skulle ri forbi på innsida sidan det er kortare, men då eg nærma meg gjekk den inn i fyrstespor så me fekk bråstopp og mista all farten. Han tok seg verkeleg godt saman og spurta godt etterpå, men det vart litt langt fram. Så me enda nokre lengder bak andre- og tredjehesten, men eg var godt nøgd med 4. plassen på 1.19,5. Han var betre i slag denne gongen, men den knallharde banen var nok ingen fordel for han. Det var godt å kjenna at han var tilbake som seg sjølv.

Manstrong var ein god vinnar og Jeanett tok sin fyrste montésiger. Gratulera så mykje!

Montéprøveløp med Grand Du Ling

2011-11-30T19:27:00.001+01:00

Den tidlegare oppassaren til Lillruben har og ansvaret for Grand Du Ling. I morgon skal eg prøva å godkjenna den 8 år gamle hingsten til monté. Han har tent 480.716 kroner i karrieren og trava 13,4aK og 15,0M på det raskaste. Så langt i år har sesongen vore litt skral, og han har ikkje tent så mykje pengar denne sesongen. Han er etter Turbo Thrust, som har mellom anna den svenske montéslageren Simb Moonzoom og den norske montéhesten Adrenalin på si avkomliste. Så det er berre til å håpa at han er like bra som dei. Han skal trava 1.25,0 og det bør han klara om han held seg i riktig gangart. Det er kjekt å prøva nye hestar og lenge sidan eg har ridd prøveløp no, så det er fint å få ri ein ny hest igjen.

Eg fekk tilbod om å ri One Hot Minute i det same prøveløpet, men den skal systera mi, Victoria, prøva seg på ryggen til. Det er òg ein spennande montéhest som venninna mi, Jorunn, eig og trenar.

Løp: 21 Monté Prøveløp (ca. kl. 17:18)
Monté Prøveløp Alle. 2100 m. Voltestart.
ALLE Volte

Dist.	Nr	Hestens navn	Kusk	Inntjent	Volt	Auto
2100	1	Doris V.	Renate Aarlie	175.226	1.17,1v	1.15,6a
2100	2	Grand Du Ling	Charlotte Steine	480.716	1.15,0v	1.13,4a
2100	3	One Hot Minute	Victoria Steine	197.500	1.16,5v	1.13,4a
2100	4	One Hot Lady	Stine-Elise Iversen	34.464	1.18,4v	1.16,3a

Biletet tok eg av Grand Du Ling i Bergen 4. april 2009.

Endelig Lillruben igjen

2011-11-30T19:00:00.001+01:00

No har eg ikkje ridd Lillruben sidan 22. oktober, så det skal bli godt å få sitja på ryggen hans att i eit montéløp i Bergen i morgon. Han har ikkje gått voltestart under sal sidan 2. juni, så det vert ei utfordring att. Han er vanskeleg i volten, og me har fått eit vanskeleg og trongt fjerdespor. Det positive er at han berre har tjue meter tillegg denne gongen, dei andre gongane han har starta volte har han hatt 60 meter tillegg, så det er 40 meter betre. Sist eg rei han gjekk han 16,6 i eit sprint autoløp, men han skuffa litt, sjølv om reisa vart hard. Denne gongen må han løysa frå start, og forhåpentlegvis taper me ikkje for mykje. Me har tillegg på gode hestar som Nordstjernen D.K. og Goal Pointer, og dei vert vanskelege å henta inn, spesielt om me taper for mykje i starten. Eg håper at det ikkje vert for mange omstartar. Det er mange hestar på berre to tillegg, og fleire flinke montéhestar. Hentar han seg ein fin premie her må me vera nøgde.

Motstanden:
1. Mustang Elegance: Har vore flink i montéløpa han har gått. Renate har nok ambisjonar igjen og har sjanse til å kjempa om dei gjevaste plasseringane her.
2. Nordstjernen D.K.: Har levert fine montéinnsatsar, var litt svakare i prestasjonen sist. Gongen før var han bra i hardt selskap. Kan vera litt vanskeleg i volten, men har eit fint spor og skal reknast med sjanse.
3. Goal Pointer: Vann enkelt montéløpet han starta sist, og har fin form. Caroline jaktar championatet og er nok sigerslysten, så eg vert ikkje overraska om dei legg på til to strake.
4. Park Angel: Har ikkje vist form dei siste løpa, men har ikkje starta monté sidan 2. juni. Kanskje det er positivt at ho kjem tilbake under sal, likevel trur eg ho er ein premiekandidat.
5. Max Stensbæk: Har berre gått eitt godt montéløp, så det er vanskeleg å tru at alt skal løysa seg denne gongen. Han har vist at han kan, men han må vera tilbake i slag for å hevda seg her.
6. Moon Ulvholm: Overraska til flott tredjeplass sist han var ute i monté, men då var det eit svakare selskap. Om det løyser seg på nytt og formen er like bra klarar han kanskje blanda seg i trippelkampen, men eg trur motstanden vert for hard.
7. Aramis T.K.: Kjem ikkje til start.
8. Hangman: Hesten gjekk eit fint montéløp sist, men denne gongen har han ein rytterdebutant på ryggen og det er nok kanskje ingen fordel. Ledande spor på volten kan gjera det litt vanskeleg, men hesten har gått mange prøveløp i monté for å få rytterar godkjent, og det er kanskje positivt. Trur det er ein premiekandidat.
9. Pay Streamline: Montédebutant som gjekk prøveløp på 1.20,4. Hesten er bra og har fin form, så eg vert ikkje overraska om han blandar seg i toppen allereie i debuten. Rytteren er flink, så det vert spennande å følgja han i debuten.
10. Moreno: Leverte ein svak prestasjon sist han var ute i monté, er nok sjekka opp og forbetra til denne gongen. Lise er glad i tempo, så han satsar nok framover. Er god nok til å kjempa i toppen her.
12. Buck Brodde: Har berre to montéløp bak seg, og var diska for galopp i begge. I prøveløpet trava han 1.20,0. Rytteren kjenner hesten frå trening tidlegare i karrieren hans, og det er nok ein fordel. Han må trava feilfritt for å få premie og eventuelt trippelplass her, men hesten er god nok.
13. Noble: Har berre eitt montéløp bak seg, då gjekk han styggfort på autosprint under Forus Open-dagen, eit løp Moon Dreamer vann. Formen har kanskje vore litt svakare no enn den var då, likevel er han sannsynlegvis god nok til å kjempa i toppen her om volten går fint. Elsie Hafskjold tek turen frå Østlandet for å ri, og han får dermed ein av dei mest rutinerte rytterane i feltet, det kan kanskje vera ein fordel.
14. Manstrong: Har vist stigande form i sine siste sulkystartar. Har ikkje vore ute i monté sidan 29. september. Hesten likar seg godt under sal, men er vanskeleg å få rundt i volten og ledande spor er ingen fordel. Om han kjem seg feilfritt frå start kan han kanskje blanda seg i trippelkampen.
15. Traffic Light: Bakspor på tillegg er ein vanskeleg utgangsposisjon, men det er kanskje riktig for at hesten skal få roa seg og gå feilfritt. Gjekk svært godt i debutløpet sitt og kan viss han vil og held seg borte frå galopp.

Løp: 4 Montéløp (ca. kl. 19:20)
Montéløp Varmblods. 4-12-årige. 2100 m. Tillegg 20 m ved vunnet 235.000 kr., 40 m ved 470.000 kr., 60 m ved 940.000 kr. Premier: 12.000-6.000-4.000-3.000-2.000-(2.000) kr.
Varmblods Volte	V5-3

Dist.	Nr	Hestens navn	Kusk	Inntjent	Volt	Auto
2100	1	Mustang Elegance	Renate Aarlie	156.913	1.15,9v	1.15,3a
2100	2	Nordstjernen D.K.	Victoria Steine	173.203	1.18,2v	1.15,4a
2100	3	Goal Pointer	Caroline L.B. Morken	156.037	1.16,6v	1.16,6a
2100	4	Park Angel	Linda Thorsen	219.500	1.17,1v	1.14,8a
2100	5	Max Stensbæk	Linn Hernar Helgeland	182.913	1.16,0v	1.15,3a
2100	6	Moon Ulvholm	Christine Pedersen	169.424	1.18,1v	1.15,6a
2100	7	Aramis T.K.	Martine O. Sørvik	209.750	1.15,8v	1.15,1a
2120	8	Hangman	Lene Karin Julseth	257.919	1.16,4v	1.14,8a
2120	9	Pay Streamline	Lene Rotneim	315.028	1.16,2v	1.13,1a
2120	10	Moreno	Lise Hjetland	400.384	1.15,8v	1.13,6a
2120	11	Lillruben	Charlotte Steine	341.441	1.17,2v	1.14,3a
2120	12	Buck Brodde	Camilla Sund	371.291	1.13,9v	1.13,7a
2120	13	Noble	Elsie Hafskjold	425.403	1.16,0v	1.12,3a
2120	14	Manstrong	Jeanett K. Flatøy	403.000	1.15,9v	1.14,1a
2120	15	Traffic Light	Lene Bjånes Indrevær	304.001	1.15,2v	1.14,8a

Ein uplassert og ein 7. plass

2011-11-28T18:46:00.001+01:00

I Bergen 17. november var eg ute i to montéløp. I varmblodsløpet rei eg Misty Valley N. Eg tok opp frå start direkte sidan me stod ytterst bak bilen, dermed havna me sist i feltet. Det gjorde ikkje så mykje sidan fyrste 500 meterane gjekk på 1.12. Ho sleit litt på svingane, så eg måtte bruka dei til å støtta ho rundt for å unngå galopp. Me klarte å unngå galoppen, men ho tapte mykje og vart sliten av det. Likevel haldt ho betre enn sist og trava 19,9 denne gongen. Det er det raskaste ho har gått under sal, men ho må vera endå betre om ho skal få premie.

Fodnes Grane var hesten eg rei i kaldblodsløpet. Det var ein hissig herremann. I varminga hadde han cresendobitt utan gapegrime, og proppane vart dregne ut av øyrene, slik at han vart hissig. Eg fekk varma i rygg på ein som kjørte. Han var litt usikker når eg sette fart på han, så eg bytta tøylar og proppar etter varminga. I tillegg sette me på bussar framme og ei gapegrime slik at det skulle verta enklare å kontrollera han og halda han på beina.

Han løyste fint frå start i det fyrste forsøket, og då ville me nok fått tet, men det var omstart. I den andre starten var han litt treigare, så då vart det ledarrygg på oss. Han var veldig sprek og prøvde å springa over Trø Stilig i tet. Han var pigg og ein runde før mål rei eg ut i andrespor. Inn på siste svingen kjente eg at han byrja verta trøytt, så eg rei inn i førstespor igjen. Då var det berre å halda han på beina inn i mål, for eg hadde ikkje meir å ri med. Han var flink og trava heilt inn, sjølv om det stumma mykje til slutt. Resultatet vart 7. plass på 1.31.4. Det er det raskaste han har gått under sal. Eigaren var nøgd, så då må eg og vera det. Han har galoppert mykje under sal før, så det var positivt at han klarte å unngå det denne gongen.

Fodnes Grane i Bergen

2011-11-16T09:49:00.001+01:00

I det 4. løpet på Bergen Travpark i morgon skal eg testa Fodnes Grane. Han har galoppert i nesten alle montéløpa han har starta. Det raskaste han har trava under sal er 31,9, men det var på mellomdistanse. Han har ikkje gått monté etter han bytta eigar, men har gått sterke tider og fine løp i sulkyløp. Formen ser ut til å vera bra, men han må halda seg i trav om han skal klara å få premie i dette løpet. Det er sprint og me står på 20 meter tillegg, men det er ingen på strek så i praksis står me på strek. Eg kjenner ikkje til hesten meir enn det eg har sett han på Rikstoto Direkte og har ikkje snakka med verken eigaren eller trenaren, så eg veit ikkje korleis hesten er. Motstanden er tøff, så eg trur uansett berre han er ein premiekandidat.

Motstanden:
1. Vertigo Faks: Debuterer i monté. Gjekk prøveløp på 37,1 med galopp. Eg har ridd eit hurtigarbeid på han, og han må vera betre enn han var då for å få premie her.
2. Trø Stilig: Gjekk 29,1 sist han gjekk sprint. Caroline rir han godt og har vunne sprintløp med han før. Kan leda lenge om formen er intakt.
3. Gil Rau Jo: Overraskar kvar gong han går monté, og får ofte fjerdeplassar, men eg trur det er for mange gode konkurrentar her. Så han er nok ein premiekandidat denne gongen.
5. Søndre Prinsen: Vant i sin siste sulkystart og har vist flott form den siste tida. Går han like raskt under sal kan han enda langt framme.
6. Nøkle Pål: Gjekk godt til mål i sulkyløp sist og har gjort fine innsatsar under sal den siste tida. Skal reknast med trippelsjanse.
7. Heffalompen: Gjekk godt i Rappfots Æresløp. Når Liv Pedersen tek turen til Bergen hovudsakleg for å ri denne, vitnar det om at ho har tru på hesten og han skal nok reknast med sigersjanse.
8. Drageblæsen: Havna utan rytter sist det var montéløp, men har gått ok løp før det, likevel er han nok ein premiekandidat her.
9. Schutora: Eg fekk tilbod om å ri ho, men hadde sagt ja til den andre eit par timar før. Eg trur dette er ein bra hest som kan duga godt under sal. Gjekk prøveløp på 1.32,1. Kanskje kan ho blanda seg i trippelkampen i debuten med fin reise undervegs.
10. Høgda Svarten: Leverer alltid gode løp i monté, og kan fort vinna her, sjølv om han har 40 meter tillegg på dei som startar lengst framme.
11. Tangen Mari: Debuterer i dette løpet. Kristine trur ho kan vera blant dei tre-fire her. Ho gjekk eit fint prøveløp på 30,7 åleine og skjerpar seg nok ytterlegare med hestar rundt seg. Eg trur ho kjemper i toppen.
12. Gilborken: Leverte ein svakare innsats i travløp sist, men trivs godt under sal og har stort sett vore på trippelen kvar gong han har starta. Kjemper om trippelplassering igjen.

Løp: 4 Montéløp (ca. kl. 19:20)
Montéløp Kaldblods. 5-15-årige. 1600 m. Tillegg 20 m ved vunnet 100.000 kr., 40 m ved 325.000 kr., 60 m ved 600.000 kr., 80 m ved 950.000 kr. Premier: 14.000-7.000-4.000-3.000-2.500-(2.000) kr.
Kaldblods N/SV Volte	V5-3

Dist.	Nr	Hestens navn	Kusk	Inntjent	Volt	Auto
1620	1	Vertigo Faks	Victoria Steine	176.500	1.29,2v	1.28,6a
1620	2	Trø Stilig	Caroline L.B. Morken	155.000	1.29,1v	1.27,5a
1620	3	Gil Rau Jo	Evy Katrin Teigen	299.200	1.27,2v	1.27,2a
1620	4	Fodnes Grane	Charlotte Steine	280.976	1.28,7v	1.26,7a
1640	5	Søndre Prinsen	Sonja Kløften	459.050	1.24,8v	1.24,4a
1640	6	Nøkle Pål	Renate Aarlie	596.200	1.26,3v	1.25,8a
1640	7	Heffalompen	Liv Pedersen	380.500	1.26,0v	1.26,3a
1640	8	Drageblæsen	Silje Jordalen	467.900	1.26,6v	1.25,1a
1640	9	Schutora	Silje Hogner	346.000	1.26,7v	1.26,2a
1660	10	Høgda Svarten	Lise Hjetland	864.372	1.24,6v	1.24,1a
1660	11	Tangen Mari	Kristine Kvasnes	660.500	1.25,2v	1.25,7a
1660	12	Gilborken	Iselin Teigen	725.500	1.25,5v	1.23,8a

Prøver igjen med Misty

2011-11-15T14:32:00.001+01:00

På torsdag skal eg til Bergen for å ri to montéløp. I det 1. løpet skal eg ri Misty Valley N. som far min eig. Eg rei ho sist ho starta monté, men då kom ho ut etter pause og fekk mjølkesyra etter 1600 meter. No har ho fått fleire løp i kroppen, likevel må ho nok vera forbetra for å duga i dette løpet. Ho har ikkje gått under 1.20 i monté endå, men det må ho nok gjera for å vera med i toppen her. Så eg håper ho er forbetra frå sist eg rei ho og så får me satsa på ein premie. Grunnlagsmessig står ho perfekt til med sine 174.000 i eit løp som har hestar med høgst 175.000 kroner innkjørt. Spor ni var ikkje det beste me kunne fått, så me får prøva å få oss ein fin posisjon undervegs.

Motstanden:
1. Yamina Limburgia: Ho kjem frå Østlandet og har Liv Pedersen på ryggen. Har gått fine løp og skal reknast med vinnarsjanse
2. Nordstjernen D.K.: Står perfekt inne både spormessig og grunnlagsmessig. Var hissig i sin siste start, men hevda seg mot betre hestar då. Kan vinna igjen.
3. Goal Pointer: Er god i monté og skal reknast i toppen.
4. Mustang Elegance: Gjekk godt sist han stara monté og står fint til her, kjemper om ein trippelplass.
5. Trustyourtaste: Har god rytter, men eg tvilar på at det er nok til meir enn ein premie her.
6. Moon Ulvholm: Står finare inne enn han har gjort i monté før, likevel trur eg det er ein premiekandidat.
7. Giant Augustinu: Sjokkerer med gode innsatsar innimellom, men er i fyrste omgang ein premiekandidat.
8. Winning Colors: Gjer gode montéløp kvar gong, er litt vanskelig å ri, men har sin faste rytter med. Er rask ut og står perfekt inne grunnlagsmessig og kjemper om seieren her utan galopp.

Løp: 1 Montéløp (ca. kl. 18:00)
Montéløp Varmblods. 4-12-årige høyest 175.000 kr. 2100 m. Autostart. Maks 10 startende. Premier: 14.000-7.000-4.000-3.000-2.500-(2.000) kr.
Varmblods Auto

Dist.	Nr	Hestens navn	Kusk	Inntjent	Volt	Auto
2100	1	Yamina Limburgia	Liv Pedersen	115.369	1.16,8v	1.15,6a
2100	2	Nordstjernen D.K.	Victoria Steine	171.203	1.18,2v	1.15,4a
2100	3	Goal Pointer	Caroline L.B. Morken	142.037	1.16,6v	1.16,6a
2100	4	Mustang Elegance	Renate Aarlie	156.913	1.15,9v	1.15,3a
2100	5	Trustyourtaste	Kristine Kvasnes	113.000	1.16,4v	1.15,5a
2100	6	Moon Ulvholm	Christine Pedersen	165.424	1.18,1v	1.15,6a
2100	7	Giant Augustinu	Lene Bjånes Indrevær	164.951	1.17,2v	1.15,2a
2100	8	Winning Colors	Silje Hogner	173.000	1.19,2v	1.15,6a
2100	9	Misty Valley N.	Charlotte Steine	174.000	1.16,4v	1.15,8a

Foto: Eirik Blindheim. Frå sist løp eg rei Misty.

6. plass og seier

2011-11-13T13:46:00.001+01:00

På tysdag rei eg Smooth Moves i det fyrste løpet på tysdag. Me trefte starten godt og han løyste bra, men inn på fyrste svingen var det ein framføre i feltet som galopperte. Då me kom i stor fart og nærma oss den galopperande hesten drog ho ut slik at me mista all farten og måtte ta inn igjen feltet på nytt. Eg rei framover på innersporet og me kom opp i tredje innvendig etter ein runde. Då farten vart skrudd opp til slutt klarte han ikkje henga heilt med, men me kom i mål på 6. plass på 1.18,1.

I det 3. løpet, eit ungdomsløp, kjørte eg Pay Back Money. Det er sambuaren min Stian som eig han saman med kompisen Roald. Me hadde spor ein bak startbilen og eg ville kjøra i rygg, dermed fekk Axis Di Vegas teten, men den vart overflydd av Voukefalas. Dermed vart eg sitjande i tredje innvendig. Ekvipasjen utvendig køyrte i halvspor slik at det vart trongt, men Pay Back var flink og haldt seg i trav. I nest siste svingen køyrte ekvipasjen framføre oss ut eit spor. I siste svingen stoppa hesten på utsida av meg og hesten i tet, men eg såg at eg kanskje kunne få ei luke foran den som stoppa på utsida. Då Axis Di Vegas gjekk ut eit spor ut av siste svingen fekk eg luka og kom ut i andre innvendig. Harbour L. overtok teten og eg fekk fritt fram. Midt på oppløpet drog eg hetta og han svarte med å stikka frå resten til ein flott seier på 1.15,8. Så fort har han ikkje trava på mellomdistanse før. Han gjorde eit kjempeløp og imponerte til ein flott siger. Det var min fyrste sulkysiger med varmblodshest, og det var veldig artig.

Bileta er teke av Rune Eikeland.

Første gong på ryggen til ein millionær!

2011-11-02T19:29:00.001+01:00

På Forus neste tysdag skal eg endeleg få oppfylla ein av mine draumar: Ri ein hest med over 1 million i grunnlag! Det ser eg verkeleg fram til. Før helga ringte Geir M. Thorkelsen som leiger Smooth Moves til meg og spurde om eg ville ri montéløpet. Det sa eg sjølvsagt ja til. Dermed skal eg ut med Smooth Moves på Forus. Han har tjent nesten 3 millionar kroner og har trava 14,2K og 11,5aK i sine glansdagar. På 17 startar i år har han ein andreplass, ein tredjeplass og åtte premiar. Totalt 41.500 kroner innkjørt.

Montéprøveløpet gjekk han med Kristine Kvasnes på ryggen i august. Då trava han 16,9 åleine. Han har berre gått eit løp under sal etter det. Kristine rei då òg. Han gjekk eit fint løp og avslutta fint til 4. plass bak mellom anna Malcyon Magic. I løpet denne gongen står han litt dårleg inne på 60 meter tillegg, men sidan det ikkje er hestar på strek, så har han i praksis 40 meter tillegg. Hestane som står framføre er gode, så han må nok i fyrste omgang kjempa om ein premie i dette løpet.

Motstanden:
1. Pretty Des: Gjekk prøveløp åleine på 21,5. Rytteren har berre eit løp bak seg og det er vanskeleg å vita kva hesten kan, men eg trur dei kjempar om premie fyrste gong ut.
2. Center Käll: Har gått gode løp tidlegare. Galopperte seg bort i Bergen siste starten under sal. Får ny rytter her, og det er vanskeleg å seia kva utslag det har. Hesten har vist at han kan, men kanskje nokon av dei lenger bak vert for gode.
3. Lexby Girl: Gjekk eit fint løp på lokalkøyring i september med eigaren på ryggen, men møter nok for hard motstand her sjølv om ho har fordel av å starta nokre meter framføre dei verste konkurrentane.
4. Lantern: Er tilbake etter pause/skadeavbrekk. Kristine sit på ryggen for fyrste gong i løp, men kjenner han godt frå trening, og han er nok best mogeleg førebudd til dette løpet. Sjølv om han må gå med sko trur eg han kjemper i toppen her.
5. Luigi: Får ny rytter på ryggen. Han galopperte sist han starta montéløp. Held han seg i trav er han flink og kan kjempa om ein trippelplass.
6. Nokien: Har berre eit løp bak seg i travritt og gjekk 18,4 på Bjerke og enda uplassert. Linda kjenner hesten frå trening og frå prøveløpet, men ho må nok vera betre enn på Bjerke for å vera i toppen her.
7. Kings Centaurus: Han er nesten alltid på trippelen. Skuffa i sin nest siste start, men var tilbake på trippelen sist løp, og skal nok reknast med trippelsjanse igjen om han får rett reise undervegs.
8. Moreno: Har gjort det meste riktig under sal med eigaren på ryggen. Han har levert to fine løp på rad og skal reknast med trippelsjanse igjen.
9. Inspector Barnaby: Har ikkje overbevist i montéløpa tidlegare. Ny rytter på ryggen no, men eg trur han er ein premiekandidat i dette feltet.
11. Balder Exclusive: Han har ikkje vore ute i monté sidan september i fjor, men det enda med siger. Trenaren Gaute Lura pleier å ha hestane i form og godt førebudde når dei kjem ut under sal, så eg vert ikkje overraska om han er med på trippelen her, sjølv om han har tillegg på gode konkurrentar.

Løp: 1 Montéløp (ca. kl. 18:00)
Montéløp Varmblods. 4-12-årige. 2040 m. Tillegg 20 m ved vunnet 120.000 kr., 40 m ved 340.000 kr., 60 m ved 650.000 kr. Premier: 14.000-7.000-4.000-3.000-2.500-(2.000) kr.
Varmblods Volte

Dist.	Nr	Hestens navn	Kusk	Inntjent	Volt	Auto
2060	1	Pretty Des	Anette Veggeberg	197.600	1.15,2v	1.14,5a
2060	2	Center Käll	Siw Helen Bø	295.231	1.14,9v	1.13,6a
2060	3	Lexby Girl	Marielle Øvrebø	136.600	1.17,0v	1.14,6a
2080	4	Lantern	Kristine Kvasnes	370.100	1.15,8v	1.13,4a
2080	5	Luigi	Anette Selliken	437.000	1.15,6v	1.13,1a
2080	6	Nokien	Linda Bø	549.244	1.14,1v	1.13,1a
2080	7	Kings Centaurus	Kari Anne Knutsen	625.893	1.15,5v	1.13,3a
2080	8	Moreno	Lise Hjetland	400.384	1.15,8v	1.13,6a
2080	9	Inspector Barnaby	Ronja Good Djøseland	352.532	1.15,7v	1.14,2a
2100	10	Smooth Moves	Charlotte Steine	2.948.320	1.14,2v	1.11,5a
2100	11	Balder Exclusive	Caroline L.B. Morken	1.235.624	1.14,5v	1.12,7a

Kristine og Smooth Moves i prøveløpet. Foto: Rune Eikeland.

I tillegg til dette løpet skal eg ut med Pay Back Money i eit rekruttløp. Det ser eg fram til.

6. plass til Lillruben

2011-10-23T20:19:00.002+02:00

I går starta Lillruben i ARKA's Montésprint. Han var piggare i varminga, men han skjena litt utover i banen og fungerte ikkje like godt i travet som før. I løpet løyste han betre frå start, men me vart hengjande i tredjespor. Luka på innsida var ikkje stor nok til at eg kom ned, så me vart hengjande i tredjespor til nest siste svingen. Då kom me ned i andre utvendig, men det var ikkje noko trøkk i han, så eg drog både hetta og skylappane. Likevel fekk eg ingen reaksjon. Han tente litt til att ned oppløpet, men ikkje nok til å henta inn at konkurrentane framføre. Me var tre hestar på linje om fjerde-, femte- og sjetteplassen, men me var sist av dei og måtte ta til takke med 6. plass på tida 1.16,6. Det var fyrste gongen han enda utanfor trippelen i monté, og fyrste gong han gjekk sprint under sal. Han gjekk eit greit løp, men eg håper han kjem sterkare tilbake.

Foto: Eirik Blindheim

Lillruben i ARKA's Montésprint

2011-10-19T08:47:00.003+02:00

På laurdag skal eg ut med Lillruben igjen. Den vesle krigaren skal prøva seg på ein sprint under sal for fyrste gong. Han har berre gått løp på 2100/2040 meter i monté, så det vert spennande å sjå om han synest det er like kjekt på sprint. Han har vore flink i alle dei andre løpa i travritt, så eg håpar han kan gjera ein ny, fin innsats. ARKA sponsar montéløpet som har 30.000 kroner til vinnaren, sigersdekken og pokal til eigar, trenar, oppassar og rytter.

Motstanden:
1. Nordstjernen D.K.: Var god i løpet han vann nest sist han starta monté. Autostart denne gongen, og det er kanskje ein fordel. Står dårlegast inne, men eg trur hesten er god nok til å kjempe langt framme likevel. Har berre starta eitt sprintløp, og det enda med siger på 17,3.
2. Aramis T.K.: Gjekk godt sist han var i Bergen, men eg trur premie er mest aktuelt for han her.
3. Center Käll: Har bytta trenar, og formen er dermed usikker. Har gått fine montéløp. Ny rytter på ryggen no. Har aldri gått sprint under sal, så det er uvisst kor fort han kan gå, men eg trur han kan kjempa om ein trippelplass.
4. Company Ås: Galopperte frå tet sist han starta monté. Vann enkelt sulkyløpet han starta før det. Hesten er god, og om han held seg i trav kan han vera på trippelen her.
6. K.L.M. Kilroy: Har god form for tida. Galopperte seg bort bak bilen sist han starta, men vann frå dødens sist eg rei Lillruben. Han er god nok til å kjempa i toppen igjen om han ikkje rotar seg bort.
7. Digital Recorder: Leverte ein svett siste 500 meter i sin montédebut, landa på 14,6 på sprint, og jaktar sigeren her.
8. Knödden Aubiose: Får ny rytter på ryggen her. Gjekk eit greit montéløp sist, men mangla kanskje litt til slutt. Trenaren pleier å ha hestane i form til rett tid, og med rette løpet kan han kanskje dukke opp framme.
9. Moreno: Har gått montéløp mot hard motstand og har trava 13,6 på sprint. Vann i sin siste start, så formen skal vera bra. Må reknast i toppen igjen.
10. Luigi: Kristine fekk 2.plass med han sist han gjekk monté. Vart diskvalifisert sist han prøvde seg på sprint under sal, men har ikkje galoppert etterpå. Står best inne grunnlagsmessig, og sporet har ikkje så mykje å seia. Kan få ei fin reise og kan plukka mange til slutt.

Løp: 1 Montéløp (ca. kl. 13:50)
Montéløp Varmblods. 4-12-årige høyest 450.000 kr. 1600 m. Autostart. Maks 10 startende. Premier: 30.000-15.000-9.000-6.000-4.000-(2.000) kr.
Varmblods Auto

Dist.	Nr	Hestens navn	Kusk	Inntjent	Volt	Auto
1600	1	Nordstjernen D.K.	Victoria Steine	165.203	1.18,2v	1.15,4a
1600	2	Aramis T.K.	Henriette Bye	209.750	1.15,8v	1.15,1a
1600	3	Center Käll	Linda Bø	292.231	1.14,9v	1.13,6a
1600	4	Company Ås	Caroline L.B. Morken	328.687	1.15,5v	1.13,5a
1600	5	Lillruben	Charlotte Steine	333.441	1.17,2v	1.14,3a
1600	6	K.L.M. Kilroy	Kari Anne Knutsen	352.000	1.16,9v	1.14,6a
1600	7	Digital Recorder	Siv Emilie Løvvold	368.595	1.15,6v	1.13,8a
1600	8	Knödden Aubiose	Lene Bjånes Indrevær	386.136	1.15,0v	1.12,9a
1600	9	Moreno	Lise Hjetland	388.384	1.15,8v	1.13,6a
1600	10	Luigi	Kristine Kvasnes	437.000	1.15,6v	1.13,1a3

Galopp for Jette

2011-10-19T08:31:00.001+02:00

På søndag rei eg Vertigo Jette i hennar montédebut. Ho kjendes fin ut i varminga. I prøvestarten fekk ho ein hest opp på sida og då raste ho avgarde i galopp. Det var ein laus hest, så det tok litt ekstra tid før løpet kom i gang, men ho var roleg.

Me fekk ein dårleg start, for ho var treig å få opp farten. Sidan me var åleine på strek behaldt me teten. Ut av første svingen kom Troll Spika og overtok føringa. Det tålte Jette. Då Fodnes Corrado kom bakfrå og passerte litt nærare, trava ho fortare og fortare, men så galopperte ho. Det var ikkje så lett å stoppa då, så me tapte mykje. Langt bak feltet gjekk ho i eit fint tempo. I nest siste svingen falt ho litt innover, sprang på ein kvit stolpe og galopperte på ny. Utan denne galoppen hadde ho nok fått premie, men det enda med at me vart uplassert og distansert.

Foto: Eirik Blindheim

Ny sponsor = ny drakt

2011-10-15T16:53:00.001+02:00

Eg fekk ein hyggeleg telefon tidlegare i år. Ann-Sophie Myklebust ringte og spurde om dei kunne få sponsa meg med ny drakt. Då eg fekk lisensen sponsa Brødrene Steine A/S meg, og eg rir i den drakta heilt til eg får den nye. Min nye sponsor er dyresport.no. Eg har bestilt det aller meste gjennom dei i dei siste åra. Dei har fantastisk service og hjelper til med å få tak i alt eg og andre treng. Er det noko eg manglar, spør eg berre dei, og etter ei lita stund har dei skaffa det for meg og det dukkar opp i posten. Så om det er noko du treng til deg sjølv eller hesten, så sjekk ut nettsida deira. I nettbutikken har dei mykje liggjande. Er det noko du ikkje finn kan du berre senda ein mail, så finn dei ut av det for deg.

Den nye drakta mi kjem til å sjå slik ut:

Vertigo Jette debuterer

2011-10-14T17:41:00.002+02:00

På søndag skal eg ri Vertigo Jette i hennar montédebut. Me står åleine på strek på 2100 meter. Ho gjekk prøveløp på 34,8 i juni, men ho verka stabil med tre hestar rundt seg då. Korleis det vert med eit heilt felt veit eg ikkje, men om ho går feilfritt i debuten er det bra. Dersom ho er betre enn i prøveløpet, kan ho kanskje henta seg ein premie, sjølv om motstanden er hard.

Motstanden:
2. Troll Spika: Leverte eit sterkt prøveløp på Forus på 29,9 åleine. Denne hoppa har sannsynlegvis fordel av å gå åleine, men det kan henda ho er meir stabil i monté. Går ho feilfritt er dette vinnaren, trur eg.
3. Stumne Sindy: Både hesten og rytteren debuterer i monté. Vanskeleg å vita kva dei kan. Prøveløpet vart godkjent på 39,2 og må nok gå fortare enn det for å få premie her.
4. Espeset Frøya: Gjekk eit greit prøveløp på 36,2, utan at det seier så mykje om kva ho kan. Veldig variable prestasjonar i travløp, men hentar seg nesten alltid premie. Eg trur ho har nok med å kjempa om ein premie fyrste gong ut.
5. Kuven Erla: Nok ein debutant. Gjekk prøveløp på 35,0, og eg veit ikkje kva ho kan. Premiekandidat fyrste gong ut.
6. Fodnes Corrado: Oda Mykkeltvedt rei 28,9 på han i prøveløpet, men han var ikkje i orden då eg rei han i hans debut. Hesten er god nok til å kjempa om sigeren om han er i orden denne gongen.
7. Drageblæsen: Har berre eit løp bak seg. Gjekk 30,7 då og gjorde ein grei innsats. Kjemper om premie.
8. Gil Rau Jo: Får premie i nesten alle montéløpa han går, og overraskar innimellom med trippelplassar. Eg trur han kjemper om premie igjen.
9. Nøkle Pål: Var tilbake i vinnarslag sist han starta monté og kan kjempa om sigeren igjen om han er i like fin form.
10. Høgda Svarten: Han er god i monté, har reist litt og møtt hard motstand. Det er enklare i mot her, så han kjemper nok i toppen igjen.
11. Timor: Jaktar dei siste 2000-kronene for å runda millionen innkjørt. Vann eit montéløp på lokalkøyring på Forus i september, såg fin ut då. 80 meter tillegg er langt, men om nokre av hestane foran rotar seg bort og ho sjølv held seg i trav kan ho kjempa om sigeren.
12. Gilborken: Vann i sin siste sulkystart, så eg reknar med formen er bra. Han har vore god i monté tidlegare og kan kjempa i toppen igjen.

2. plass med Lillruben

2011-10-14T17:20:00.001+02:00

Lillruben gjekk sitt sjette montéløp på V75-køyringa på Forus 1. oktober. Han hadde eit sår på manken, og på transporten ned hadde han fått eit på halen, så utgangspunktet var ikkje heilt bra. Han stod fint inne grunnlagsmessig i dette løpet, og i eit fint fjerdespor bak bilen. Varminga var fin og i defileringa krumma han nakken og hadde skikkeleg spenst i steget. Då starten gjekk klarte han ikkje kjempa om teten, så me vart hengjande i dødens. Eg hadde ikkje så lyst å ri der igjen, og han vart hissig, så han pressa på ledande Blow The Bugle. På fyrste langsida overtok me teten. Han var framleis hissig, og eg tørde ikkje halda for masse i han fordi han då kjem litt ut av travet. Dermed vart fyrste 1000 meter passert i 1.16-fart, og det vart fyrste 1450 meter og. Han var litt tung i kroppen, og eg drog skylappane inn på oppløpet. Kanskje eg ikkje burde gjort det, for då K.L.M. Kilroy kom bak frå klarte han ikkje svara opp og me tapte med hode og hals. Likevel var eg svært nøgd med innsatsen hans etter halvannan månad pause. 2. plass og 10.000 kroner inn på konto var bra på 1.17,0 over mellomdistanse. No har han fått eit montéløp og eit sulkyløp i kroppen, så skal han meldast til eit løp på rikstotoen i Bergen 22. oktober.

Uplassert med Misty

2011-10-14T17:10:00.000+02:00

Eg rei Misty i Bergen 29. september. Eg varma roleg, men ho verka mjuk og smidig. I prøvestarten var ho veldig fin. Då løpet gjekk kom me fint til i andre utvendig. Det gjekk fort undervegs, men Misty hang fint med i 1600 meter, men i siste svingen var det slutt. Då vart ho akutt trøytt, sannsynlegvis var det mjølkesyra som henta ho inn, sidan ho ikkje hadde starta på ein månad. Vanlegvis treng ho nokre løp å koma i gang att etter pause. Dermed enda ho uplassert på tida 1.20,7. I tillegg hadde belegget på eine bakfoten sklidd ned, så det var ikkje heilt ideelt. Ho gjorde ein heilt ok innsats.

Foto: Eirik Blindheim

Ny sjanse med Lillruben

2011-09-30T20:25:00.003+02:00

I morgon skal eg ut å ri Lillruben att. Det gler eg meg til. Han er ein flink montéhest som har gjort sitt beste i alle løpa. Sist eg rei han tok han ein sterk siger frå dødens. Det var 9. august, han har berre starta ein gong etter det og har hatt 1,5 månad pause etter siste start. Dermed er formen litt usikker, men om han er i slag som han var sist eg rei han, så håper eg at han kan vera på trippelen denne gongen og.

Motstanden:
1. Inspector Barnaby: Var litt tråkk i sin montédebut og har ikkje starta sidan det. Malin Berås skal ri han, men eg trur kanskje han vert ein premiekandidat her.
2. Blow The Bugle: Han trava dårleg sist han starta, men gjekk eit godt løp då og med tilsvarande innsats er han ein trippelkandidat.
3. Dreamcatcher: Ein god montéhest som har giftige sluttspurtar. Det er lenge sidan han har starta, men skal reknast likevel. Får han det rette løpet plukkar han mange til slutt.
5. Thunderstruck: Har gått eit fint hurtigarbeid under sal og såg fin ut i prøveløpet då han trava 19,8. Det vert spennande å sjå han i debuten under sal, men eg vert ikkje overraska om han er langt framme direkte.
6. Company Ås: Imponerte i sin siste sulkystart med enkel siger på 13,5. Var ikkje heilt i slag sist han gjekk monté, men han har vore god tidlegare og er ein av dei betre i feltet og skal reknast med sigerssjanse.
7. Glide: Gjekk eit fint løp i Bergen i går. Usikker på korleis han taklar to så tette løp, men eg reknar med Kristine har kontroll på det og han kjemper nok om ein trippelplassering igjen.
8. K.L.M. Kilroy: Har gått gode montéløp i det siste. No set Kari Anne seg på ryggen hans att, men med den formen han har kan han kjempa om trippelplassering her òg.
9. Lexby Girl: Kjemper om premie.

Løp: 1 Montéløp (ca. kl. 13:50)
Montéløp Varmblods. 4-12-årige høyest 350.000 kr. 2040 m. Autostart. Maks 10 startende. Premier: 20.000-10.000-7.000-5.000-3.000-(2.000) kr.
Varmblods Auto

Dist.	Nr	Hestens navn	Kusk	Inntjent	Volt	Auto
2040	1	Inspector Barnaby	Malin Berås	349.532	1.15,7v	1.14,2a
2040	2	Blow The Bugle	Monica Refsland	266.000	1.17,9v	1.14,7a
2040	3	Dreamcatcher	Katarina Østerholt	189.001	1.18,7v	1.15,3a
2040	4	Lillruben	Charlotte Steine	320.941	1.17,2v	1.14,3a
2040	5	Thunderstruck	Anette Selliken	167.695	1.16,4v	1.15,1a
2040	6	Company Ås	Caroline L.B. Morken	328.687	1.15,5v	1.13,5a
2040	7	Glide	Kristine Kvasnes	300.500	1.16,5v	1.15,6a
2040	8	K.L.M. Kilroy	Kari Anne Knutsen	327.000	1.16,9v	1.14,6a
2040	9	Lexby Girl	Marielle Øvrebø	136.600	1.17,0v	1.14,6a

						Foto: Arnfinn Roaldsøy

Misty Valley N. i mitt 100. løp

2011-09-28T21:18:00.002+02:00

Sidan Findal Kongen vart strøket på Sørlandet, skal eg ri for pappen i mitt løp nummer 100. Eg har ikkje ridd løp sidan eg rei C.C. Lina på Sørlandet på bursdagen min 20. august, så det er på tide å koma i gang att. Misty har gått tre montéløp, systera mi, Victoria, har ridd ho. Det har resultert i ein 3. plass, ein 2. plass og eitt brutt løp. Det siste løpet ho gjekk var det ein lyd som gjorde at Victoria tok opp i fyrste svingen og då galopperte ho, dermed braut dei løpet. Kor mykje ho kan veit eg ikkje, for eg har berre ridd ho ein gong heime i trening. Eg håper ho går eit fint løp og kan kjempa om ein premie her. Det er lenge sidan eg har ridd for pappen, så eg følte det var på tide å gjera det igjen, sjølv om eg fekk tilbod om å ri både Cafu Cafe og Nordstjernen D.K.

Motstanden:
1. Mustang Elegance: Har gått nokre gode løp, men eg trur han satsar på premie her.
2. Max Stensbæk: Leverte eit fint montéløp sist og står greit inne her. Kan vera på trippelen.
3. Sandy Boy: Har hatt pause, men har fått eit løp i kroppen. Er god om han er tilbake i slag.
5. Nordstjernen D.K.: Vann etter fin reise sist. Får han eit fint løp igjen er han god nok til å gå til topps.
6. Moon Ulvholm: Kjemper om premie her.
7. Hangman: Kjemper om premie.
8. Knödden Aubiose: Har prøvd seg i to montéløp etter han kom til Noreg, og det har enda med fall for rytteren. Om alle gode ting er tre, kan dei kjempa langt framme.
9. Silverboy M.C.: Er ein god hest. Var vanskelig i volten sist Eva rei, men hesten er bra nok.
10. Moreno: Har møtt hard motstand. God hest og god rytter. Kan fort gå seirande frå dette løpet.
11. Manstrong: Var betre i sitt siste montéløp, men hadde nokre svake prestasjonar før det. Om han oppfører seg i volten og dei ikkje tapar for mykje kan han kjempa om ein trippelplass.
12. Glide: Er ein god montéhest og har god rytter. Står fint inne her og kjempar i toppen.

Løp: 4 Montéløp (ca. kl. 19:20)
Montéløp Varmblods. 4-12-årige høyest 1.000.000 kr. 2100 m. Tillegg 20 m ved vunnet 200.000 kr., 40 m ved 600.000 kr. Premier: 12.000-6.000-4.000-3.000-2.000-(2.000) kr.
Varmblods Volte	V5-3

Dist.	Nr	Hestens navn	Kusk	Inntjent	Volt	Auto
2100	1	Mustang Elegance	Renate Aarlie	150.913	1.15,9v	1.15,3a
2100	2	Max Stensbæk	Linn Hernar Helgeland	180.913	1.16,0v	1.15,3a
2100	3	Sandy Boy	Lene Rotneim	183.100	1.17,2v	1.16,4a
2100	4	Misty Valley N.	Charlotte Steine	170.000	1.16,4v	1.15,8a
2100	5	Nordstjernen D.K.	Stine-Beate Hjartholm	165.203	1.18,2v	1.15,4a
2100	6	Moon Ulvholm	Christine Pedersen	160.424	1.18,1v	1.15,6a
2120	7	Hangman	Iselin Teigen	253.419	1.16,4v	1.14,8a
2120	8	Knödden Aubiose	Caroline L.B. Morken	380.136	1.15,0v	1.12,9a
2120	9	Silverboy M.C.	Eva Hellem	504.500	1.16,7v	1.13,6a
2120	10	Moreno	Lise Hjetland	376.384	1.15,8v	1.13,6a
2120	11	Manstrong	Jeanett D. Knappskog	393.000	1.15,9v	1.14,1a
2120	12	Glide	Kristine Kvasnes	300.500	1.16,5v	1.15,6a

Gjesteoppsitt i mitt løp nummer 100

2011-09-21T19:04:00.001+02:00

Eg har ridd 99 løp, så det betyr at eg har eit slags jubileum i min neste start. Det vert på Sørlandets travpark på søndag. Då har eg fått eit gjesteoppsitt på Findal Kongen. Han har berre eit prøveløp bak seg. Då gjekk han 36,2 med Silje Hogner på ryggen med galopp. Det er ikkje så lett å lesa så mykje ut i frå det. Grunnlagsmessig står han greit inne med sine 161.000 kroner og står på strek. Me får prøva å ri feilfritt og så prøva på ein premie.

Motstanden:
Samina Ø.K. har vunne dei to siste montéløpa ho har starta. Var god i sin siste start då ho vann Rappfots Æresløp. Kan vinna igjen. Har fordel av å stå på strek, treff dei starten kan dei fort leda heile vegen. Ho tåler å gjera ein del jobb sjølv og har nok ein god sjanse her. Pål Stjernen har god form, men har aldri gått monté. Monica Refsland godkjente han og tek turen til Sørlandet, så eg reknar med dei reiser med ambisjonar. Sibbe har vore god i dei to montéløpa han har gått og skal reknast i toppen igjen. Eld Lynet går gode og jamne montéløp og med fin reise kan han fort vera langt framme. Tidemand Pål har berre prøveløp bak seg under sal, men gjekk på 31,9 der så han er nok god og kan blanda seg i toppen direkte. Stranda Gutten har overraska før, så om han får reisa han skal ha så kan han viss han vil. Havtroll har galoppert mykje og er vel premiekandidat frå 40 meter tillegg. Skuggfaks er variabel i prestasjonane og kjempar nok om premie her. Lome Sjefen har berre eitt montéløp bak seg og det endte i galopp, men han gjekk prøveløp på 31,7 og har nok litt inne. Ra Sokken har galoppert mykje, men går gode løp når han held seg i rett gangart. Ranlem Tor har veldig variable prestasjonar bak seg i monté og jaktar nok ein premie her.

Løp: 2 Montéløp (ca. kl. 18:00)
Montéløp Kaldblods. 5-15-årige høyest 500.000 kr. 2140 m. Tillegg 20 m ved vunnet 170.000 kr., 40 m ved 350.000 kr. Premier: 12.000-6.000-4.000-3.000-2.000-(2.000) kr.
Kaldblods N/SV Volte	V5-1

Dist.	Nr	Hestens navn	Kusk	Inntjent	Volt	Auto
2140	1	Ranlem Tor	Annette Tjelland	156.700	1.29,4v	1.26,7a
2140	2	Findal Kongen	Charlotte Steine	161.000	1.30,0v	1.27,9a
2140	3	Ra Sokken	Elsie Hafskjold	82.000	1.30,4v	1.31,5a
2140	4	Samina Ø.K.	Ronja Good Djøseland	128.500	1.28,4v	1.30,9a
2160	5	Pål Stjernen	Monica Refsland	337.500	1.26,7v	1.25,5a
2160	6	Tidemand Pål	Malin Berås	189.000	1.30,0v	1.25,1a
2160	7	Sibbe	Kristine Kvasnes	258.450	1.27,9v	1.28,2a
2160	8	Lome Sjefen	Lene Vehusheia Rørvik	336.000	1.26,7v	1.25,3a
2160	9	Skuggfaks	Wenche Hansen	305.700	1.29,1v	1.26,0a
2180	10	Eld Lynet	Silje Hogner	476.691	1.26,0v	1.24,5a
2180	11	Havtroll	Nina Therese Lervik	354.900	1.26,6v	1.28,5a
2180	12	Stranda Gutten	Lene Nilsen	351.700	1.27,7v	1.26,0a

Biletet er henta frå hesteguiden.com.

Lina var vrang

2011-09-12T15:15:00.002+02:00

20. august rei eg C.C. Lina i eit autoløp på Sørlandet. I varminga oppførte ho seg ikkje i heile tatt. Ho berre galopperte, gjekk i passgang, tulla, nekta å ta trav og når ho fyrst trava stakk ho. Varminga var skikkelig dårleg, så eg såg mørkt på løpet. Etter defileringa skulle eg snu opp for å ta prøvestart. Då skjente ho mot gjerdet, og reiste seg på to så me nesten vippa over gjerdet. Eg vart skeptisk då eg såg gjerdet nærma seg med stormskritt. Heldigvis landa me på rett side att. Eg torde ikkje snu opp til ny prøvestart med ein gong, så eg rei bortover før eg snudde og rei tilbake. Då me prøvde på nytt tok ho travet og gjekk ei fin langside, men midt i svingen galopperte ho.

Heldigvis var det autostart, slik at eg kunne sleppa ho opp til vingen og håpa at ho løyste i trav og ikkje passgang eller galopp. Då bilen slapp trava ho, og ho løyste godt. Det gjorde og hesten på innsida, men midt i første svingen galopperte ho. På same plassen som ho hadde gjort i prøvestarten. Då var løpet over for vår del og ho vart diskvalifisert. Eg rei ein runde for at ho ikkje skulle få koma inn att med ein gong, og då fungerte ho fint. Det var veldig irriterande. Ho var veldig brunstig denne dagen, så Kari Anne meinte at det kanskje kunne vera forklaringa på den fæle oppførselen hennar.

Ein godkjent og ein pasient

2011-08-19T22:01:00.002+02:00

Carolina K. rei eg i montéprøveløp i Bergen i går. Det gjekk greit. Ho var veldig trampete i aksjonen framme, så eg tok på bussar etter varminga. I prøveløpet viste det seg at ho var veldig redd for sprut og ho ville ikkje ta i når det kom steinar frå konkurrentane framføre. Eg la meg roleg til og konsentrerte meg om å halda ho i trav. Ho gjekk i jamt tempo fyrsterunden, men dei to framføre fekk forsprang på oss slik at det ikkje spruta, så sisterunden tok ho i. Til slutt enda ho på 38,3 og godkjent. Eigaren var nøgd, men eg anbefalte nokre hurtigarbeid og sprutmaske før ein eventuell debut.

I montéløpet rei eg Shocking Love. I varminga kjendest han ut som ein rund million og eg trudde me kunne kjempa langt framme. Eg rekna med det skulle verta hard riding i tet, så eg tok opp direkte. Hardt vart det. Fyrste 500 meterane opna dei på 1.11 og fyrste 1000 meter på 1.13,9. Det var for fort for Shocking Love. Han var skeiv på svingane og viste lite framgang. 6-700 meter frå mål datt han heilt saman i aksjonen. Eg ville ikkje jaga på han og berre daffa til mål. Han kjendest halt ut og såg veldig stiv ut då eg hoppa av etter løpet. Han skal sjekkast opp for å sjå om det var noko gale med han. Eg trur det er ein veldig fin montéhest om helsa er i orden. Eit bilete av han, teke av Eirik Blindheim:

Feirer bursdag med Lina

2011-08-16T22:31:00.002+02:00

På laurdag har eg bursdag. Den skal eg feira frå ryggen til C.C. Lina i det fyrste løpet på Sørlandets travpark. Eg har ikkje ridd Lina sidan 10. mai, så det var kjekt å få telefon frå Kari Anne om eg ville ri ho igjen. Ho har starta tre gongar sidan sist eg rei, men ikkje tent ei krone. Sist eg rei ho synest eg ho kjentest betre ut og verka piggare, slik som fyrste gongen eg rei ho. No har ho hatt pause sidan 26. juni, så eg er usikker på formen no. Lina er ei kjekk dame, så me får gjera så godt me kan. Me fekk spor 2 og det passar ho bra sidan ho er rask ut på auto. Sidan det er lenge sidan sist start må me nok ri for ein premie her.

Motstanden:
1. Ziriumzam: Var bra i sitt fyrste montéløp, men har skuffa litt etterpå. Ny rytter. Premiekandidat.
3. Amazing News: Har berre gått prøveløp under sal. Gjekk 20,2 der. Malin Berås rir og han er sikkert betre enn prøveløpstida. Kjemper langt framme i debuten.
4. Kjell Bjarne: Vann i sin montédebut. God hest. Kan fort vinna igjen.
5. Starchip Victory: Gjekk prøveløp på 19,3. Vart diskvalifisert som fjerdehest i montédebuten. Trippelkandidat.
6. Sir Baltic: Har gått eit travritt, enda på 3. plass då. Ny rytter her og kjemper nok om ein premie.
7. Zoogan Bowl: Går nesten berre monté og gjer ofte fine løp. Kan vera på trippelen her.
8. Britney Sign: Har gått bedre for kvart montéløp. Ukjent rytter. Kjemper om premie eller siste trippelplassen her.
9. Wembley Boko: God i monté og kjemper om seieren igjen, sjølv om han ikkje har trava som best dei siste startane.

Dette er eit løp med fleire brukande montéhestar og fleire med lite rutine under sal. Lina må kjempa om ein premie her. Seieren trur eg går til Kjell Bjarne eller Wembley Boko, fleire av dei andre kan kjempa om siste trippelplassen.

Løp: 1 Montéløp (ca. kl. 13:50)
Montéløp Varmblods. 4-12-årige høyest 250.000 kr., åpent for alle montelisenser. 2140 m. Monté. Autostart. Maks 10 startende. Premier: 14.000-7.000-4.000-3.000-2.500-(2.000) kr.
Varmblods Auto

Dist.	Nr	Hestens navn	Kusk	Inntjent	Volt	Auto
2140	1	Ziriumzam	Nina Therese Lervik	157.500	1.15,8v	1.14,7a
2140	2	C.C. Lina	Charlotte Steine	231.250	1.17,4v	1.14,8a
2140	3	Amazing News	Malin Berås	133.000	1.16,8v	1.16,0a
2140	4	Kjell Bjarne	Brit Lea	239.000	1.16,2v	1.13,3a
2140	5	Starchip Victory	Madelen Berås	250.000	1.20,7v	1.15,0a
2140	6	Sir Baltic	Gry Vigdis Bachmann	59.000	1.19,3v	1.16,6a
2140	7	Zoogan Bowl	Monica Haugen	248.000	1.17,2v	1.15,7a
2140	8	Britney Sign	Maria Hansen	196.500	1.17,2v	1.14,7a
2140	9	Wembley Boko	Kari Anne Knutsen	206.841	1.17,3v	1.16,0a

Ny debutant i Bergen

2011-08-15T21:19:00.002+02:00

I tillegg til prøveløpet med Carolina K. skal eg ri Shocking Love i eit montéløp. Han er ein 6 år gammal vallak etter Love You og Horsefeeder Evita. Han har minst grunnlag med sine 70.600 kroner og har berre eit prøveløp på 20,8 under sal. I dei siste sulkyløpa han har gått har han gjort fine innsatsar. Det er vanskeleg å vurdera kva han kan sidan det er fyrste gong ut i monté, men eg håper han går feilfritt og gjer ein fin innsats. Eg gler meg til å testa han, for han såg ut som ein fin montéhest i prøveløpet.

Motstanden:
1. Viking Neyenrode: Montédebutant som gjekk prøveløp på 22,2. Gjekk det enkelt i prøveløpet og har nok meir inne. Kan fort vera i toppen fyrste gong ut.
2. Goal Pointer: God montéhest. Kan galoppera, men er i toppen feilfritt. Har gått eitt løp med autostart i monté og det enda med siger.
3. Nordstjernen D.K.: Flink under sal, men er veldig hissig. Siv Emilie Løvvold har ridd tidlegare, no får han ny rytter. Kjemper om sigeren her.
4. Moon Ulvholm: Må vera forbetra og kjemper om premie her.
5. Giant Augustinu: Har ikkje starta sidan 2. juni, usikker form. Galopperer mykje, men er på trippelen innimellom.
6. Aramis T.K.: Har fin form ifølge eigaren. Fekk 5. plass på 17,5 i sin siste start. Kjemper om premie.
8. Max Stensbæk: Gjekk god i sitt debutløp under sal, men har galoppert seg bort i dei to startane etterpå. Må gå feilfritt for å vera med i kampen. Uerfaren rytter kan vera eit minus på ein usikker hest.
9. Naomi Dryad: Står på Kristine Kvasnes på starlista, men Jeanett Knappskog skal ri. Har berre gått eit løp under sal og enda uplassert på 18,3 då. Kjemper nok om premie her.
10. Winning Colors: Har gått gode montéløp på Austlandet i det siste. Vanskeleg hest, men om rytteren kjem overens med ho kan dei fort vera langt framme her.

Eg synest det er eit jamnt løp der fleire kan vinna. Nordstjernen D.K. skal ha ein god sjanse. Det har og Goal Pointer som har vist at han er god under sal. Winning Colors kan vera med langt framme og det vert spennande å sjå debutantane. Eg håper Shocking Love går feilfritt og at me klarer ein premie her.

Løp: 4 Montéløp (ca. kl. 19:20)
Montéløp Varmblods. 4-12-årige høyest 220.000 kr., åpent for alle montelisenser. 2100 m. Monté. Autostart. Maks 10 startende. Premier: 12.000-6.000-4.000-3.000-2.000-(2.000) kr.
Varmblods Auto	V5-3

Dist.	Nr	Hestens navn	Kusk	Inntjent	Volt	Auto
2100	1	Viking Neyenrode	Renate Aarlie	114.617	1.18,2v	1.14,9a
2100	2	Goal Pointer	Caroline L.B. Morken	136.537	1.16,6v	1.16,6a
2100	3	Nordstjernen D.K.	Victoria Steine	153.203	1.18,2v	1.15,4a
2100	4	Moon Ulvholm	Christine Pedersen	160.424	1.18,1v	1.15,6a
2100	5	Giant Augustinu	Lene Bjånes Indrevær	160.951	1.17,2v	1.15,2a
2100	6	Aramis T.K.	Mariann Borgen	201.750	1.15,8v	1.15,1a
2100	7	Shocking Love	Charlotte Steine	70.600	1.17,3v	1.15,5a
2100	8	Max Stensbæk	Linn Hernar Helgeland	176.313	1.16,0v	1.15,3a
2100	9	Naomi Dryad	Kristine Kvasnes	217.700	1.16,4v	1.15,1a
2100	10	Winning Colors	Christiane J. Kristiansen	168.000	1.19,2v	1.15,8a

Prøveløp med Carolina K.

2011-08-15T21:09:00.003+02:00

På torsdag skal eg til Bergen for å ri prøveløp på Carolina K. og montéløp med Shocking Love. Carolina K. er ei kaldblodshoppe på 7 år etter Pål Even og Janne Grei. Ho har 89.000 kroner i grunnlag og har trava 30,2M og 28,9aK. Sidan september har ho fått premie i alle løpa utanom to. Ho har aldri vunne, men har vore på trippelen seks gonger. Eigaren Trygve Havre vil gjerne godkjenna ho for å vera med i Rappfots Æresløp. Han eigde sjølv fantomet Rappfot og synest det er stas å kunna få vera med i hans eige æresløp. Det vert spennande å testa Carolina K. Eg håper ho gjer ein fin innsats og går godkjent.

Løp: 21 Monté Prøveløp (ca. kl. 17:08)
Monté Prøveløp Alle, åpent for alle montelisenser. 2100 m. Monté. Voltestart.
ALLE Volte

Dist.	Nr	Hestens navn	Kusk	Inntjent	Volt	Auto
2100	1	Stumne Sindy	Lene Trones	117.500	1.31,8v	1.30,5a
2100	2	Espeset Frøya	Victoria Steine	120.800	1.29,0v	1.30,1a
2100	3	Alpha Polaris	Marie Fismen Solberg	75.500	1.29,6v	1.29,8a
2100	4	Carolina K.	Charlotte Steine	89.000	1.30,2v	1.28,9a

Bilete frå sigersløpet

2011-08-14T18:08:00.004+02:00

Bilete frå sigersløpet med Lillruben på Forus travbane 9. august:

Alle bileta er teke av Rune Eikeland.

Fodnes Corrado fungerte ikkje

2011-08-14T17:08:00.002+02:00

Det vart bomtur til Bergen. Fodnes Corrado skulle ikkje varmast i banen, men eg fekk ri ein runde for å kjenna på han. Då verka han ikkje heilt fin i aksjonen, men han var roleg og regulerbar. Etter defileringa vart han hissig. Han tok avgarde i prøvestarten, men travet fløyt ikkje. Etter me hadde fått på sjekken vart han endå dummare.

Då starten gjekk løyste han godt, men strekhestane gjekk fort i front. Han sprang fortare enn travet ville flyta, og eg prøvde å hjelpa han så godt eg kunne. Det gjekk ikkje så bra. Etter ein runde kom galoppen, og då var han vanskeleg å stoppa. Eg fekk han ned i trav att, men han verka stokk halt. Eg prøvde å bryta løpet, men då me nærma oss porten raste han avgarde i galopp på nytt. Då hadde eg ikkje så mykje eg skulle sagt, og eg var veldig glad då han endeleg stoppa slik at me kom oss ut av banen. Eigarane ville sjekka han opp etter innsatsen. Han er nok veldig god under sal når han er i orden. Det var synd han ikkje var det denne gongen.

Ein spanande debutant i morgon

2011-08-10T22:48:00.003+02:00

I morgon skal eg på tur til Bergen for å ri montéløp på ein debutant. Eg har fått eit gjesteoppsitt på Fodnes Corrado. Han gjekk prøveløp med Oda Mykkeltvedt på ryggen 28. juli. Der imponerte han meg. Fyrste 500 meterane opna han på 1.28, så auka han til 1.24 første 1000 meter. Det vil seia at han gjekk 1.20 andre 500 meter! Han haldt følgje med varmblodshesten til siste langsida. Då stoppa han litt, men starta opp att og kom i mål på 1.28,9. Eg trur Corrado kan duga i monté. Feltet er lite og om han løyser frå start kan me kanskje henta litt på Trø Stilig på startsida.

Motstanden:
1. Elve Prinsen: Har gått greie montéløp og fått premiar kvar gong, men møter sannsynlegvis for tøff motstand her.
2. Trø Stilig: Imponerte i sitt siste montéløp og vann enkelt då. Har vist kanonform etterpå. Ny rytter kan kanskje ha innverknad. Om han stikk avgarde og held tempoet høgt vert det vanskeleg for tilleggshestane å henta han inn att.
3. Gil Rau Jo: Er ein jamn og flink montéhest. Har ikkje starta sidan 23. juni og har gått på beite. Kanskje tung i kroppen fyrste gong ut?
4. Nøkle Pål: Var litt slakk nokre løp tidlegare, men gjekk 26,6 i eit løp i juli. Må vera tilbake i slag for å henta inn Trø Stilig.
6. Gilborken: Går alltid gode montéløp. Klarte ikkje henta Trø Stilig sist. Har ikkje starta sidan 23. juni og har vore på beite, må vera betre enn sist for å vinna.
7. Espe Viktor: Må vera nøgd om han klarer å få ein premie her.

Om Trø Stilig får dirigera i tet kan han fort halda heilt til mål. Formen er god og med innsats som sist kan han vera først igjen. Nøkle Pål og Gilborken er flinke montéhestar som tek opp kampen. Eg trur Fodnes Corrado skal reknast i toppen allereie i debuten om han går som i prøveløpet og eg klarer å halda han i eit kontrollert tempo.

Løp: 10 Montéløp (ca. kl. 21:12)
Montéløp Kaldblods. 5-15-årige , åpent for alle montelisenser. 2100 m. Monté. Tillegg 20 m ved vunnet 115.000 kr., 40 m ved 190.000 kr., 60 m ved 340.000 kr., 80 m ved 640.000 kr., 100 m ved 1.240.000 kr. Premier: 14.000-7.000-4.000-3.000-2.500-(2.000) kr.
Kaldblods N/SV Volte

Dist.	Nr	Hestens navn	Kusk	Inntjent	Volt	Auto
2120	1	Elve Prinsen	Victoria Steine	144.500	1.30,2v	1.27,5a
2120	2	Trø Stilig	Lene Bjånes Indrevær	152.500	1.30,7v	1.27,5a
2140	3	Gil Rau Jo	Evy Katrin Teigen	272.700	1.27,9v	1.28,2a
2160	4	Nøkle Pål	Renate Aarlie	565.700	1.26,3v	1.25,8a
2160	5	Fodnes Corrado	Charlotte Steine	422.000	1.26,2v	1.24,7a
2180	6	Gilborken	Iselin Teigen	693.500	1.25,5v	1.23,8a
2180	7	Espe Viktor	Linda Thorsen	753.300	1.24,9v	1.25,5a

Årets fyrste siger

2011-08-09T22:36:00.000+02:00

I dag rei eg Lillruben i montéløpet på Forus. Før løpet håpte eg at me klarte å forsvara sporet og kanskje fekk sitja i tet, men slik gjekk det ikkje. Bilen køyrde seint synest eg, og auka farten brått. Då fekk eg han ikkje på hogget, og han rakk ikkje få opp farten. Hestane som kom på utsida la trongt inn mot han, så eg var redd han skulle feila. Heldigvis gjorde han ikkje det.

Eg ville ikkje sitja fast med han og gjekk ut i dødens med ein gong. Blow The Bugle sat i tet, men han trava dårleg, så eg trudde kanskje han kom til å galoppera av å få trykk. Det gjorde han ikkje, så det vart litt hardt. Eg visste at Lillruben var sterk. Han har gått gode sisterundar i alle montéløpa. Då me opna fyrste 500 meter på 1.14,2 og fyrste 1000 meter på 1.15,6 synest eg det var fint. Eg drog proppane fyrst og han tok tak i det og la trykk på tethesten. Inn mot siste svingen drog eg skylappane og han tente til igjen. Midt i siste svingen slo han fram øyra og bråstoppa. Då måtte eg jaga han for å rista liv i han att. Det svarte han godt på og han kopla enkelt grepet og seig inn til ein enkel siger på 1.16,9.

Det var veldig godt å få årets fyrste siger. Lillruben fortjente verkeleg å få ein siger. Han har framleis ikkje vore utanfor trippelen i monté og imponerer meg gong på gong. Han er ein krigar og kjempar heilt inn. Det var skikkelig godt å kjenna sigerens sødme att.

Eg håper at nokre av fotografane har bilete av han, men her er målfoto som viser at sigeren var kontrollert etter reise i dødens:

Lillruben på Forus i morgon

2011-08-08T20:44:00.000+02:00

I morgon skal eg endeleg ut å ri løp att. Eg har ikkje ridd sidan 23. juni, det vil seia 7 veker utan løpstrening. Så eg gler meg verkeleg til å koma i banen att. Det er ekstra kjekt at det er Lillruben eg skal ri. Han har vore veldig flink i montéløpa han har gått. Denne gongen har me endeleg vore heldige med sporet. Han er rask frå start og har fordel av auto, men eg veit ikkje om me klarar å forsvara fyrstesporet. Om me klarer det, trur eg at eg vil prøva å ri i tet. Han har gått fine løp bakfrå. På Biri sist gjorde han nok eit godt løp der han gjorde mykje sjølv. Lillruben er ein herleg hest å ri og om formen er intakt trur eg han kan vera på trippelen dette løpet òg.

Motstanden:
2. Manstrong: Han har ikkje vist noko særleg form i det siste, men er betre i monté.
3. Inspector Barnaby: Debuterer i monté, og har berre prøveløp på 19,7 bak seg. Siv Emilie Løvvold kjem frå Austlandet for å ri, og han skal reknast med sjanse.
4. Glide: Er god i monté. Han har hatt pause no og Kristine Kvasnes har sett ut løpet lenge. Kjemper i toppen her.
5. Nok'en Siem: Har to montéprøveløp bak seg. Imponerte ikkje i det fyrste forsøket. Gjekk 19,4 i det andre forsøket. Usikker på kva han kan.
6. Moreno: Strøket.
7. Blow The Bugle: God montéhest som jamleg går gode løp. Har kjempa i vanskelegare løp på Austlandet. Ny rytter. Kan kjempa i toppen.
8. Luigi: Vart diska for galopp i sitt fyrste montéløp, men gjekk fint til 2. plass andre gongen. Brit Lea rir denne gongen. Ho har vunne eit løp med hesten på lokalkøyring.

Det er vanskeleg å plukka vinnaren i dette løpet. Mange kan vera med og kjempa i toppen. Eg håper at Lillruben gjer ein ny, bra innsats og at me får ein fin premie.

Løp: 1 Montéløp (ca. kl. 18:00)
Montéløp Varmblods. 4-12-årige høyest 500.000 kr., åpent for alle montelisenser. 2040 m. Monté. Autostart. Maks 10 startende. Premier: 12.000-6.000-4.000-3.000-2.000-(2.000) kr.
Varmblods Auto

Dist.	Nr	Hestens navn	Kusk	Inntjent	Volt	Auto
2040	1	Lillruben	Charlotte Steine	308.941	1.17,2v	1.14,3a
2040	2	Manstrong	Jeanett D. Knappskog	386.000	1.15,9v	1.14,1a
2040	3	Inspector Barnaby	Siv Emilie Løvvold	347.532	1.15,7v	1.14,2a
2040	4	Glide	Kristine Kvasnes	282.500	1.16,7v	1.15,6a
2040	5	Nok'en Siem	Camilla Sund	243.914	1.18,8v	1.14,9a
2040	6	Moreno	Lise Hjetland	376.384	1.15,8v	1.13,6a
2040	7	Blow The Bugle	Monica Refsland	262.000	1.17,9v	1.14,7a
2040	8	Luigi	Brit Lea	406.000	1.15,6v	1.13,2a

Det vart ingen Biri-tur på meg

2011-08-03T09:41:00.000+02:00

På grunn av misforståelsar vart det ingen tur på meg. Det var ikkje fly som gjekk slik at eg rakk løpet på søndagen, dermed måtte eg stå over. Elsie Hafskjold steppa inn for meg og gjorde ein fin jobb. Lillruben gjekk nok eit fantastisk løp til ein fin 2. plass i hardt lag. Det gav eigaren 15.000 kroner.

Endeleg nytt løp

2011-07-26T22:15:00.000+02:00

No har eg ikkje ridd løp på over ein månad, så eg vart glad då Håkon spurde om eg ville vera med til Biri. Lillruben har eit autostartløp stengt på 450 000 kroner på sundag. Han har minst grunnlag i feltet, men han har ytt godt i dei montéløpa han har gått så langt. Lillruben har fordel av autostart sidan han er litt vanskeleg i volten. Sist følgde han bilen, men eg trekte meg fordi det var ein på innsida som løyste like godt. No har me fått eit dårleg spor, og står nest ytterst i niandespor. Lillruben har imponert meg i sine fyrste montéløp og har gjort gode innsatsar. På distansen har han gått 16,9 på det raskaste. Eg håper han kan gjera eit nytt fint løp og få med seg ein fin premie.

Motstanden:
1. Pine Pack: Har gått 16,4 som best på distansen under sal, men har gått endå fortare på sprint. Gjekk ny rekord med sulky i sin nest siste start og har nok fin form.
2. Macho: Ein hest Siv Emilie har god tru på. Han gjekk prøveløp på 19,0, men braut i sitt fyrste løp. Eg reknar med han er bra sidan Siv Emilie held han så høgt.
3. Blue Story: Ein stor hest som har gjort finare innsatsar i monté for kvart løp. Han har gått 16,7 på distansen. Gjekk ny rekord i sin siste start, så formen er sannsynlegvis bra.
4. A Tout a l'Heure: Har ikkje gått monté så ofte, men vann i Drammen i fjor. På distansen har ho gått 16,4. Fekk 4. plass i sin siste montéstart i Sverige, men har ikkje hatt dei beste resultata i år.
5. Star Crown: Liv Pedersen sit på ryggen til valakken, og ho skal alltid reknast i montéløp. Han har galoppert i alle montéløpa, men har vore på trippelen likevel. Han må nok trava feilfritt for å vinna. 18,8 er det raskaste han har gått på distansen, og det var i prøveløpet.
6. Blitzie Sign: Ho er ein bra hest, men har ikkje starta monté sidan januar. Har ein siger under sal og har gått fine løp i det siste. På distansen har ho gått 16,3 under sal. Kan vera langt framme med det rette løpet.
7. Comi Jet: Montédebutant som berre har prøveløp på 22,8 bak seg. Prøveløpet seier ikkje så mykje, men hesten har gått gode tider i sine siste sulkystartar.
8. Adrenalin: Er ein god montéhest som har vist flott form i det siste. Var ikkje like bra i sin siste start i Sverige, men om han er tilbake i formen han hadde før det løpet skal han reknast med sjanse. Har gått 16,1 på distansen.
10. Aramis T.K.: Har ikkje gjort noko særleg i år, og har gått 18,0 på distansen. Kristine Kvasnes på ryggen trekkjer opp, men er etter mi meining ein premiekandidat her.

Det er eit løp med fleire gode hestar. Adrenalin i form skal kjempa om sigeren. Macho er ein spanande hest som Siv Emilie set høgt. Pine Pack og Blitzie Sign er flinke hestar som skal reknast i toppen. Om Liv Pedersen klarar å losa Star Crown rundt utan galopp er det ein god hest som skal kjempa i toppen her. Eg har ikkje så god kjennskap til hestane og har aldri ridd på Biri før, så det er vanskeleg å vurdera løpet. Målet blir å gje Lillruben eit fint løp og kjempa om best mogeleg premie. Han er ein av mine favoritthestar og eg gler meg til å ri han att.

Løp: 1 O.A.'s Monteserie (ca. kl. 13:50)
Montéløp Varmblods. 4-12-årige høyest 450.000 kr., åpent for alle montelisenser. 2100 m. Monté. Autostart. Maks 10 startende. Premier: 30.000-15.000-9.000-6.000-4.000-(2.000) kr.
Varmblods Auto

Dist.	Nr	Hestens navn	Kusk	Inntjent	Volt	Auto
2100	1	Pine Pack	Line Gundersen	442.500	1.15,2v	1.13,5a
2100	2	Macho	Siv Emilie Løvvold	340.886	1.16,9v	1.12,5a
2100	3	Blue Story	Cecilie Jensen	358.200	1.17,9v	1.14,1a
2100	4	A Tout a l'Heure	Johanne Ulrica Øveraasen	304.764	1.15,3v	1.14,3a
2100	5	Star Crown	Liv Pedersen	342.009	1.15,0v	1.13,5a
2100	6	Blitzie Sign	Egle Kochanauskaite	435.000	1.14,0v	1.13,8a
2100	7	Comi Jet	Martine O. Sørvik	351.890	1.16,3v	1.13,3a
2100	8	Adrenalin	Henriette Bye	303.326	1.17,3v	1.15,0a
2100	9	Lillruben	Charlotte Steine	293.941	1.17,2v	1.14,3a
2100	10	Aramis T.K.	Kristine Kvasnes	197.750	1.15,8v	1.15,1a

6. plass med Tangen Vinn

2011-06-27T18:39:00.000+02:00

Eg fekk sjansen på ryggen til Tangen Vinn i Bergen på torsdag. Han hadde gått tre montéløp tidlegare, utan å tene ei krone. Ein gong har han blitt diska for galopp, og to gongar distansert. I varminga kjente eg at han trøbla litt med travet, heile tida måtte eg ri på grensa til galopp, så eg ville ha tunge bussar på han framme for å hjelpa han.

Han trava betre i prøvestarten, enn i varminga. Me trefte starten greit, og henta inn mykje tillegg på ein del av konkurrentane framføre. I tet drog Trø Stilig avgarde for seg sjølv. Ut av fyrste svingen var me oppe som sjette ekvipasje. Eg rei i førstespor, sidan eg fekk hest opp på utsida. Det vart feil då Nyborg Prinsen stoppa framføre oss, så me fekk ein stopp og eg måtte rygga meg ut og rundt han. 1000 meter gjekk på 1.31,1 og me hadde framleis langt fram. Då Gil Rau Jo galopperte framføre oss, vart det trongt i det ho drog ut, men Tangen Vinn haldt seg på beina. I siste svingen var me oppe som fjerdehest, og gjekk eigentleg godt. Ned oppløpet trøbla han litt meir med travet og vart innhenta av konkurrentar bakfrå. Likevel var eg nøgd med at han fullførte eit montéløp for fyrste gong. I tillegg fekk han premie, 6. plass på 1.30,7.

Foto: Miriam Fostervoll

Tangen Vinn i Bergen

2011-06-21T19:32:00.000+02:00

På torsdag skal eg ut å prøva ein ny kaldblods. Denne gongen har eg fått sjansen på ryggen til Tangen Vinn. Løpet er eit sprintløp med voltestart, og er satt sist denne kjøredagen. Det er sponsa av Brizy og Travformidling.com med eit fint teppe til vinnaren. Tangen Vinn har berre tre montéløp bak seg, men han har ikkje hatt noko suksess. Det fyrste løpet enda med diskvalifisering for galopp og dei to andre løpa har han blitt distansert. Denne gongen er det sprint, så eg håper at det passar han betre. Formen har vel ikkje vore den beste i det siste, men me får gjera så godt me kan.

Motstanden er hard. Verst i mot vert Vangen Glunten. Han står berre 20 meter bak oss, men på 60 meter tillegg. Han har vore god i sine tidlegare montéløp, og har gått fortare for kvart løp. På sprint kan han nok gå fort, og han skal reknast med ein fin sjanse. Aprilia H. har berre eitt montéløp bak seg, men overbeviste til 3. plass i Rappfots Æresløp då. Ho kan bli vanskeleg å henta sidan ho berre har 20 meter tillegg. På strek står Trø Stilig, som denne gongen er rytterforsterka med Caroline Morken på ryggen. Dersom han held tempoet oppe, vert det vanskeleg å henta tillegg på han. På det lengste tillegget står Gilborken, som alltid gjer fine montéløp og skal reknast i toppen. Drageblæsen debuterer i monté her, det gjer òg rytteren. Hesten har gått gode tider i travløp i det siste, så om rytteren klarer oppgåva kan han kanskje overraska.

Nyborg Prinsen er ein annan debutant. Han gjekk prøveløp på 35,4 og det er vanskeleg å vurdera kva han kan. Gil Rau Jo har samla på fjerdeplassar i det siste, men om det løyser seg og han går feilfritt så er han god nok på ein sprint. Elve Prinsen har gått overraskande bra i dei to siste montéløpa, men er i fyrste omgang ein premiekandidat. Dala Jento står på strek, men er vanskeleg å halda i trav og må vera nøgd med premie. Espe Viktor har ikkje vist noko i det siste, Oda Mykkeltvedt er tilbake på ryggen, men det er tvilsamt at det er nok til å forbetra hesten. Mitt mål med Tangen Vinn blir å halda han i trav og deretter prøva på ein best mogeleg premie.

Løp: 10 Montéløp (ca. kl. 21:12)
Montéløp Kaldblods. 5-15-årige , åpent for alle montelisenser. 1600 m. Monté. Tillegg 20 m ved vunnet 140.000 kr., 40 m ved 240.000 kr., 60 m ved 450.000 kr., 80 m ved 800.000 kr. Premier: 14.000-7.000-4.000-3.000-2.500-(2.000) kr.
Kaldblods N/SV Volte

Dist.	Nr	Hestens navn	Kusk	Inntjent	Volt	Auto
1600	1	Dala Jento	Mariann Borgen	59.500	1.32,1v	1.32,5a
1600	2	Trø Stilig	Caroline L.B. Morken	114.500	1.30,7v	1.27,5a
1620	3	Aprilia H.	Renate Aarlie	206.200	1.28,8v	1.27,4a
1620	4	Nyborg Prinsen	Lene Bjånes Indrevær	223.256	1.29,7v	1.27,7a
1620	5	Elve Prinsen	Jeanett D. Knappskog	142.000	1.30,2v	1.27,5a
1640	6	Gil Rau Jo	Evy Katrin Teigen	272.700	1.27,9v	1.28,2a
1640	7	Tangen Vinn	Charlotte Steine	263.000	1.28,1v	1.27,2a
1660	8	Vangen Glunten	Victoria Steine	790.495	1.25,8v	1.25,6a
1660	9	Drageblæsen	Silje Jordalen	455.900	1.26,6v	1.25,3a
1660	10	Espe Viktor	Oda Mykkeltvedt	753.300	1.24,9v	1.25,5a
1660	11	Gilborken	Iselin Teigen	690.500	1.25,5v	1.23,8a

6. plass med Stjerne Ask

2011-06-21T19:14:00.000+02:00

Stjerne Ask var ein fantastisk flott hest å få ri. Han var litt hissig i periodar i varminga, men gjekk to fine prøvestartar. I volten var han hissig, og me hadde litt kort volte så svingen vart krapp. Eg var litt seint ute med å snu, og då eg fekk snudd opp galopperte han. Like etter starten høyrte eg ein lyd, og det såg rotete ut framføre, så eg trudde det var omstart. Det var det ikkje. Stjerne Ask galopperte håplaust på startsida, og eg trudde me var diska. Sidan me ikkje stod på tavla rei eg etter feltet. Han gjekk ei flott opphenting. I siste svingen burde eg nok drege ut i fjerdespor, men konkurrenten i tredjespor skreik, så eg satsa innvendig. Det vart feil, men me kom fram mellom hestar til ein kjempeflott 6. plass på 1.30,8. Hesten gjorde eit knallbra løp, og hadde vore veldig langt framme utan galopp. Stjerne Ask var ein herleg hest å ri.

Stjerne Ask. Begge foto: Anders Kongsrud, hesteguiden.com.

5. plass med Keep On Turning

2011-06-21T18:58:00.001+02:00

Keep On Turning var litt opp og ned i varminga, men trava fint då eg sette fart på han. Då eg rei opp til bilen gjekk han fint, men så byrja han å tulla seg og ville ikkje opp til vingen. Dermed fekk me ein dårleg start og havna sist utvendig. Der låg me heilt til siste bortre langsida, då angreip eg i tredjespor og runda konkurrentar. Han kom opp som femtehest, og haldt farten nesten til mål. Nokre meter før mål bråstoppa han, men han berga femteplassen og hjalp meg opp på 0 poeng i samandraget i NM. Det var ein fin hest å ri når me fyrst kom i gang.

Keep On Turning. Foto: Julie Kjærmann Jensen.

Diska med Park Heaven

2011-06-21T18:53:00.000+02:00

Det andre NM-løpet rei eg på Park Heaven. Ho varma heilt greit, men eigaren ville riva av alle fire skorne, og gjorde det. Frå start var ho raskt ute og tok teten. Eg hadde fått beskjed om å gje ho eit ryggløp, og dermed dempa eg til ein kom fram og overtok. Etter nesten ein runde byrja ho å trøbla med travet, og galoppen kom. Ho vart nok sårbeint, og gjekk dårlegare på grunn av det. Då eg skulle dra ut av feltet tok ho i, men akkurat i det eg drog ut stoppa ho litt opp, slik at me hindra den som kom bakifrå. Dermed fekk eg 800 kroner i bot, og 8 minuspoeng i NM.

Diska med Rubinstern

2011-06-21T18:30:00.000+02:00

Det fyrste NM-løpet rei eg Rubinstern. Han var fin og grei i varminga. Då var eg åleine i banen, og han haldt seg greit roleg. Han ville ikkje gå ut i banen, og eg defilerte med sjekk. Løpet skulle gå med autostart, og han gira seg opp bak bilen. I det bilen slapp trava han to steg, og så slengte han seg i galopp. Etter det var han uregjerlig, og berre raste. Eg hadde ingen sjanse til å halda han i trav, eller få han ned att. Eg prøvde å koma meg ut av feltet, og Annika Gresseth var snill og tok opp slik at eg kom ut. Etter nesten ein runde fekk eg han ned i trav, og det var eg glad for. Det var ein fin hest, men han var veldig vanskelig. Det var andre gongen, på to forsøk, at han var diskvalifisert.

Rubinstern. Foto: Øyvind A. Brusletten.

Flinke Lillruben

2011-06-21T18:14:00.000+02:00

Eg var ute i eit montéløp med Lillruben forrige tysdag. Eigaren Håkon Hagebø Hauge tok turen frå Bergen til Forus berre med Lillruben. Han trekte seg på konkurrentane sist eg rei han, så eg spurde om eg kunne få testa med sprutmaske. Det fekk eg lov til. I varminga gjekk han utan noko, berre med ope hodelag, og virka veldig fin. Sidan det var autostart tok me på sjekk, heilstengt, proppar og sprutmaske til løpet. Han løyste godt frå start, og kom fram i dødens. Eg gjekk ned i ledarrygg for å gje han eit fint løp. Kanskje burde eg berre ridd fram og prøvd på teten, men då hadde det vore fare for at han hadde blitt stri. Eg ville gje han eit fint løp, og prøvde på ledarryggen som vart tredje innvendig.

Teten fekk Oakridge Starcraft frå Center Käll. I dødens låg K.L.M. Kilroy. Center Käll gjekk inn og ut frå fyrstesporet, og gjekk delvis i halvspor. Kvar gong den svinga utover, gjekk Lillruben ekstra i for å koma fram på innsida, men eg måtte dra i han kvar gong Center Käll gjekk ned att i innersporet. Ein runde frå mål byrja eg å sjå etter luka, men eg hadde hest på sida heilt til inn på siste svingen. Då gjekk ledarhesten ut frå ledarryggen, sjølv om det var hest både i tet og dødens. Eg måtte bakka meg ut rundt dei for å få luka. Då eg drog ut bråstoppa han, og dei tre fyrste fekk nokre lengder forsprang. Eg fekk farten opp att på han, og han gjekk skikkeleg til mål. Det vart ein flott 2. plass på 1.16,9 over mellomdistanse. Med sprutmaske var det ein heilt annan hest. Han følgde ryggen og var veldig fin å ri. Det er så herleg å ri Lillruben, som alltid har ein fin spurt til slutt.

Finaleløpet i NM: Stjerne Ask

2011-06-16T22:06:00.000+02:00

Stjerne Ask er hesten som skal avslutta mitt NM. Han har gått fleire fine montéløp tidlegare. På mellomdistanse er det raskaste han har trava 28,0, det var då han vann med Mette Nyløkken på ryggen. Han er ein kapabel hest. Eg har høyrt at han gjekk eit veldig godt rutineløp tirsdag, og forhåpentlegvis er han i fin stand til løpet på laurdag.

Rydell har vore den beste i klassen med fem strake sigrar. Dei har han teke med Liv Pedersen på ryggen. Denne gongen sit Kari Anne Knutsen i salen. Sjølv om han ikkje har sin faste rytter på ryggen, skal han reknast med ein god sjanse nok ein gong. Almandin er ein flink montéhest. Med gode Siv Emilie Løvvold på ryggen kan han fort vera med langt framme om han held seg i riktig gangart. Huldre Gutten har gjort mange gode montéløp. Liv Pedersen på ryggen er eit klart pluss. God hest og god rytter gjev ofte godt resultat. Danield er ein kapabel hest, men har galoppert mykje. Han er tilbake hjå eigaren, og får Mette Nyløkken på ryggen. Ho er flink, men han må gå feilfritt for å vera langt framme, og det ser ikkje enkelt ut å få han rundt i trav.

Lo Mito har berre gått montéløp på Leangen, og eitt i Sverige. Denne gongen får han Kristine Kvasnes på ryggen. Ho har godt tak på mange hestar, og hesten vert rytterforsterka. Resultata tidlegare har vore brukande, og kanskje får Kristine endå meir fart på han. Rigel Jao har gått gode tider i sulkyløp, men har berre eitt montéløp uplassert bak seg. Hjerteborken er ein flink montéhest, men har vore vanskeleg på voltestart tidlegare. Han var ikkje som best på Sørlandet sist, men om han er tilbake i slag kan han enda langt framme. Edel Terna har to montéløp, og to andreplassar, bak seg. Line Gundersen er flink og dei kan fort overraska. Skuggfaks har levert fine montéløp tidlegare, men er kanskje litt ute av form og har ein av dei mindre rutinerte rytterane, premiekandidat. Gikling Gutten var god i dei fyrste montéløpa sine, men har ikkje vist dei same taktene etter det, og er sannsynlegvis nøgd med ein premie. Lundhaug Lars kjemper om ein premie.

Det er mange gode hestar i feltet. Rydell har vore den beste. Dersom Stjerne Ask gjer sitt beste, og held seg i trav, håper eg me kan vera med å kjempa langt framme. No er det ikkje lenge att til NM. Eg kjenner at spenninga har innteke kroppen. Eg gler meg til å ri mitt fyrste løp på austlandet, og eg ser fram til å prøva fleire hestar. Dette vert ei god erfaring å ta med seg vidare. NM er ein draum som går i oppfylling. Eg håper verkeleg eg klarer å ta vare på sjansane mine.

Løp: 1 NM for montéryttere, k.bl. (ca. kl. 13:50)
Montéløp. NM for montéryttere, k.bl. Kaldblods. 5-15-årige høyest 500.000 kr., åpent for alle montelisenser. 2100 m. Monté. Tillegg 20 m ved vunnet 150.000 kr., 40 m ved 300.000 kr. Premier: 20.000-10.000-7.000-5.000-3.000-(2.000) kr.
Kaldblods N/SV Volte

Dist.	Nr	Hestens navn	Kusk	Inntjent	Volt	Auto
2100	1	Danield	Mette R. Nyløkken	138.000	1.29,6v	1.29,8a
2100	2	Lundhaug Lars	Elsie Hafskjold	125.000	1.29,2v	1.29,6a
2120	3	Gikling Gutten	Johanne Ulrica Øveraasen	248.742	1.28,4v	1.27,3a
2120	4	Skuggfaks	Annika Gresseth	293.700	1.29,1v	1.27,0a
2120	5	Edel Terna	Line Gundersen	278.650	1.30,5v	1.26,2a
2140	6	Rydell	Kari Anne Knutsen	427.804	1.27,9v	1.28,0a
2140	7	Lo Mito	Kristine Kvasnes	332.603	1.28,5v	1.28,2a
2140	8	Rigel Jao	Brit Lea	488.353	1.26,0v	1.25,1a
2140	9	Stjerne Ask	Charlotte Steine	441.500	1.27,6v	1.26,3a
2140	10	Hjerteborken	Stine Marlen Bendiksen	375.641	1.27,1v	1.24,6a
2140	11	Almandin	Siv Emilie Løvvold	365.500	1.27,6v	1.26,8a
2140	12	Huldre Gutten	Liv Pedersen	440.300	1.27,0v	1.25,1a

Tredje NM-løp: Keep On Turning

2011-06-16T22:04:00.000+02:00

Eg har nok ein gong trekt hesten Keep On Turning. Han skal eg ri i det tredje NM-løpet mitt. I fjor skulle eg ridd NTAFs montécup finale på Jarlsberg på denne hesten. Med utstyr, ikledd drakt møtte eg opp for å vega meg, men fekk vite at hesten var strøket. Denne gongen håper eg han kjem til start. Han har bytta eigar og trenar sidan det. No har han ikkje starta sidan desember, og treng sannsynlegvis løp i kroppen. Han fekk 2. plass på ei lokalkøyring nyleg, så forhåpentlegvis har han hatt godt av pausen. Me får gjera så godt me kan og prøva å få ein premie.

Motstanden er hard, sjølv om han står greitt inne grunnlagsmessig. Fleuron Pierre var tilbake i slag i sin siste start og vann. Kristine Kvasnes er dyktig, så dei kjemper langt framme. Quatarinon er ein god hest. Han har berre ein montéstart bak seg, men vart tredje då. Kan fort kjempa i toppen her. Terra Nova har og berre ein montéstart bak seg, til andreplass. Får flinke Siv Emilie Løvvold på ryggen og er langt framme igjen. The Breadwinner står ytterst bak bilen, og perfekt inne i forhold til grunnlaget. Line Gundersen sit i salen. Han er rask frå start og går alltid gode løp under sal. Kan vera langt framme her.

Alladin Tooma har ikkje vore ute i monté på lenge. Får rytterdronning Liv Pedersen på ryggen, og ho kan kanskje vekkja liv i han. Han har gått greie travløp og kan vera forbetra her. Innerst bak bilen står Ziriumzam som gjekk eit godt førsteløp i monté, men som ikkje har fulgt opp etter det. Bordercall står i andrespor og er nok nøgd om han får premie. Elken Dijon står i tredjespor. Har gått greie travløp i det siste, og er lenge sidan har starta monté. Mette Nyløkken er flink å ri og gjer nok sitt beste for at hesten skal gå godt.

Det er nok eit løp med mange gode hestar. Fleuron Pierre, Quatarinon, Terra Nova og The Breadwinner er mine forslag til dei som er lengst framme. Dei kan tulle seg bort med galopp og då vert det opent for dei andre konkurrentane. Me får prøva å få ein fin posisjon og forhåpentlegvis klarer me å få ein premie.

Løp: 7 NM for montéryttere, v.bl. (ca. kl. 20:25)
Montéløp. NM for montéryttere, v.bl. Varmblods. 4-12-årige, åpent for alle montelisenser. 2100 m. Monté. Autostart. Maks 9 startende. Premier: 20.000-10.000-7.000-5.000-3.000-(2.000) kr.
Varmblods Auto

Dist.	Nr	Hestens navn	Kusk	Inntjent	Volt	Auto
2100	1	Ziriumzam	Annika Gresseth	152.500	1.15,8v	1.15,0a
2100	2	Bordercall	Brit Lea	161.267	1.17,5v	1.16,4a
2100	3	Elken Dijon	Mette R. Nyløkken	165.600	1.17,4v	1.15,6a
2100	4	Quatarinon	Stine Marlen Bendiksen	166.872	1.16,7v	1.15,1a
2100	5	Fleuron Pierre	Kristine Kvasnes	180.551	1.16,4v	1.15,4a
2100	6	Terra Nova	Siv Emilie Løvvold	199.450	1.16,9v	1.15,5a
2100	7	Keep On Turning	Charlotte Steine	217.951	1.17,6v	1.15,1a
2100	8	Alladin Tooma	Liv Pedersen	247.802	1.18,8v	1.15,0a
2100	9	The Breadwinner	Line Gundersen	259.400	1.18,3v	1.15,4a

Andre NM-løp: Park Heaven

2011-06-16T22:02:00.000+02:00

I det andre NM-løpet eg skal ri, er det Park Heaven som skal ha meg i salen. Det er ei hoppe etter Super News og Angel Food med 123 900 kroner i grunnlag. Så langt i år har ho berre starta tre løp, utan å få premie. Hoppa vann eit løp under monté-NM i fjor med Anne Grete Rasmussen, men har berre teke to premiar etter det. Ein premie i monté og ein i travløp. Ho har galoppert i om lag halvparten av montéløpa ho har starta, og har berre ein premie i tillegg til sigeren som resultat. I sin siste start kjørte Hans Christian Holm. Ho var langt bak og stoppa ein del til slutt. Før løpet hadde ho ikkje starta på tre månadar, så den gjennomkøyringa var sannsynlegvis nødvendig. Ut i frå resultatane å dømma må eg prøva å halda ho i trav, og må vera nøgd om me klarar å få ein premie.

Motstanden er hard. Mr. News har tatt fire sigarar i monté, og ikkje vore dårlegare enn fjerde under sal. Mette Nyløkken er flink og dei kjemper i toppen her. Dream Turbo har tatt tre montésigrar. Kristian Skullerud er trenar, og han veit korleis han skal få gode montéhestar. Vanlegvis har Liv Pedersen ridd, no skal Siv Emilie Løvvold ri, ho er dyktig og er langt framme med denne hoppa. Nugga Hydrup har levert mange gode innsatsar under sal. Heller ikkje denne hoppa har vore dårlegare enn fjerde i monté. Stine Marlen Bendiksen er ikkje like rutinert som Liv Pedersen, men eg trur likevel dei er med langt framme i dette løpet utan galopp.

Tichy's Tale vann i sitt fyrste travritt. Etter det har det blitt ein del galoppar, men har kapasitet til å vera med framme. Winning Colors gjekk fint i sin siste montéstart til fjerdeplass etter galopp og sjenering. Johanne Ulrica Øveraasen er ein dyktig rytter og med eit fint løp kan ho kanskje vera med eit stykke framme. Kilmore har ikkje gått monté sidan september, og vert ein premiekandidat i dette selskapet. Markus Mølgård har ikkje overbevist under sal endå, og kjempar om ein premie her. Rite On Volo startar ikkje.

Det er eit fint løp med fleire gode hestar. Eg trur det vert eit oppgjer mellom Mr. News, Dream Turbo og Nugga Hydrup. Park Heaven har sannsynlegvis nok med å henga med her og så må eg prøva å ri etter ein premie.

Løp: 3 NM for montéryttere, v.bl. (ca. kl. 18:50)
Montéløp. NM for montéryttere, v.bl. Varmblods. 4-12-årige, åpent for alle montelisenser. 2100 m. Monté. Autostart. Maks 9 startende. Premier: 20.000-10.000-7.000-5.000-3.000-(2.000) kr.
Varmblods Auto	V5-2

Dist.	Nr	Hestens navn	Kusk	Inntjent	Volt	Auto
2100	1	Rite On Volo	Annika Gresseth	120.166	1.19,0v	1.14,8a
2100	2	Tichy's Tale	Elsie Hafskjold	122.000	1.18,1v	1.16,6a
2100	3	Markus Mølgård	Brit Lea	123.740	1.18,1v	1.16,1a
2100	4	Park Heaven	Charlotte Steine	123.900	1.19,6v	1.15,6a
2100	5	Kilmore	Kari Anne Knutsen	131.000	1.18,3v	1.15,4a
2100	6	Dream Turbo	Siv Emilie Løvvold	131.373	1.16,9v	1.16,5a
2100	7	Mr. News	Mette R. Nyløkken	135.000	1.19,3v	1.16,8a
2100	8	Winning Colors	Johanne Ulrica Øveraasen	142.000	1.19,2v	1.15,8a
2100	9	Nugga Hydrup	Stine Marlen Bendiksen	142.717	1.18,3v	1.14,5a

Første NM-løp: Rubinstern

2011-06-16T22:00:00.000+02:00

Det første NM-løpet er i lavt grunnlag, og eg skal ri Rubinstern. Han er hesten med nest minst grunnlag, 40 000 kroner, og står dermed i andrespor. Rubinstern er ein raud vallak etter Rubintor Pri og Fiffi Tim. På autostart har han rekord på 17,1 med sulky på sprint. Dei 19 startane hans har resultert i ein siger, ein andre, ein tredje og sju premiar. I monté har han gått prøveløp for Laila Thue på 1.20,9. Eitt montéløp har han starta etter det, diskvalifisert for galopp med Liv Pedersen på ryggen. To gongar tidlegare har han gått i Drammen. Ein gong var eit prøveløp som ikkje vart godkjent med galopp, og den andre gongen var eit sulkyløp der han var diskvalifisert.

I år har han starta eit prøveløp med sulky, godkjent på 19,0. Etter det har han gått eitt løp til 5. plass på 18,0a. To startar hadde han i fjor, ein diskvalifisering i montéløp og ein 4. plass med galopp i travløp. Så det er ikkje så mykje denne hesten har fått vist dei to siste åra.

Favoritten i løpet vert sannsynlegvis Ringo Godiva, med Johanne Ulrica Øveraasen på ryggen. Hesten debuterer i monté her, men leverte eit prøveløp på fine 17,9 åleine. Hesten har gått 16,8aM i sin nest siste start og ny rekord på 1.14,4aK i sin siste start. Formen er dermed bra, og rytteren er flink. Ein spennande debutant. Sophie's Royal Ride er ein god montéhest, og står best inne grunnlagsmessig i ytterste sporet bak bilen. Har vist fin kampmoral i monté og kjemper om sigeren her.

Kends Magnific står langt ute på vingen, men gjekk mange gode montéløp med bra resultat i 2009. Har ikkje starta sidan desember 2009, utanom eit prøveløp i fjor, så formen er usikker. Aragon E.E. står i fyrstespor bak bilen. Fyrste gong Elsie Hafskjold rei han gjekk han veldig fint til 2. plass. Med eit fint løp, trur eg han kan kjempa i toppen. Laetitia November debuterer og har prøveløp på 20,7 bak seg. Zantana Transs R. er ein annan debutant. Han har dyktige Kristine Kvasnes på ryggen, og om ho liker monté kan ho kanskje vera med framme i debuten. Lady Di Hill har ikkje vist noko i monté, men får montédronninga Liv Pedersen på ryggen, noko som alltid er eit pluss.

Løpet vert tøft for Rubinstern. Han står dårleg inne grunnlagsmessig og har ikkje resultat å visa til i monté. Eg må prøva å halda han i trav, og så må me vera nøgde om me får henga med slik at me klarer ein premie i dette laget.

Løp: 1 NM for montéryttere, v.bl. (ca. kl. 18:00)
Montéløp. NM for montéryttere, v.bl. Varmblods. 4-12-årige, åpent for alle montelisenser. 2100 m. Monté. Autostart. Maks 9 startende. Premier: 20.000-10.000-7.000-5.000-3.000-(2.000) kr.
Varmblods Auto

Dist.	Nr	Hestens navn	Kusk	Inntjent	Volt	Auto
2100	1	Aragon E.E.	Elsie Hafskjold	35.970	1.20,3v	1.15,9a
2100	2	Rubinstern	Charlotte Steine	40.000	1.19,5v	1.17,1a
2100	3	Elegant Image	Line Gundersen	67.000	1.17,7v	1.16,8a
2100	4	Lady Di Hill	Liv Pedersen	101.119	1.18,6v	1.14,8a
2100	5	Zantana Transs R.	Kristine Kvasnes	103.939	1.18,6v	1.15,8a
2100	6	Laetitia November	Kari Anne Knutsen	106.000	1.18,0v	1.15,2a
2100	7	Ringo Godiva	Johanne Ulrica Øveraasen	107.500	1.17,4v	1.14,4a
2100	8	Kends Magnific	Brit Lea	108.500	1.18,3v	1.16,0a
2100	9	Sophie's Royal Ride	Annika Gresseth	114.000	1.17,6v	1.16,8a

Siste test før NM

2011-06-09T20:56:00.000+02:00

På tysdag skal eg ri Lillruben i mitt siste montéløp før Noregsmeisterskapen. Det er eit autostartløp stengt på 320 000 kroner, som går over 2040 meter. Erga Maskin sponsar løpet og gjev sølvpokal til eigaren og minnepremie til rytteren som vinn løpet. At det endeleg er nokon som har villa sponsa eit montéløp og gjera litt ut av det synest eg er topp, men det er trist at Forus vel å setja løpet sist som 11. løp. Altså etter dei fleste har gått heim. Når nokon endeleg vil satsa på montésponsing, så synest eg dei hadde fortjent å få løpet plassert på eit meir synleg tidspunkt.

Lillruben har gått to fine montéløp for meg. Han har tapt for mykje i starten, slik at det har blitt for langt fram til Joey som har stått 40 meter føre. Denne gongen er ikkje Joey med, og me får starta bak bilen slik at me slepp voltinga. Det trur eg er ein fordel. Med sulky er han svært startrask, så eg gler meg til å sjå korleis han er under sal. Dessverre fekk me eit spor langt ute bak bilen. Han har gjort to fine innsatsar, og eg håper han gjer det igjen. Denne gongen får han kanskje vera med framme med ein gong, og då trur eg han kan gjera eit nytt fint løp.

Motstanden er ikkje verre enn han har møtt tidlegare. Verst i mot er sannsynlegvis Glide, som alltid gjer gode montéløp for Kristine Kvasnes. Oakridge Starcraft står med to strake sigrar, men har ikkje vist noko for Monica Refsland endå. Formen er bra, så han kan kanskje vera i toppen igjen. Bar Story har galoppert seg bort i to av montéløpa han har gått, men gjekk strålande til 2. plass bak Moon Dreamer i sitt andre montéløp. C.C. Lina har gått gode montéløp for meg, men ho likar seg best på sprint. Har eit fint spor, men får ny rytter her. Galopperte seg bort i sin siste montéstart for Kari Anne. Gjer ho slike innsatsar som ho har gjort med meg, kan ho vera med langt framme her. K.L.M. Kilroy er ein fin montéhest og gjorde eit pangløp i sin siste start, kan fort overraska i trippelsamanheng med fin reise her. Står perfekt inne og rytteren kjenner han. Traffic Light er ein spennande montéhest, men galopperer for mykje. Utan galopp er han god. Umpire Boko overbeviste ikkje i sitt fyrste løp under sal. Siw Helen har formen inne og rei eit fint hurtigarbeid på hesten. Er vel i første omgang ein premiekandidat. To hestar debuterer i monté her. Lexby Girl som eg var meldt på leverte eit brukande prøveløp. Får dyktige Lise Hjetland på ryggen, og ho kan kanskje få fart på denne hoppa og. Center Käll gjekk montéprøveløp på 1.20,0. Hesten er god og kan fort vinna direkte for Malin Berås, som har gjort det meste riktig i salen i år.

Løpet er spennande med fleire fine hestar. For meg er det ingen som peikar seg klart ut. Eg ser fram til å ri Lillruben igjen. Han er ein herleg hest å ri, som eg håper kan gjera eit nytt godt løp under sal.

Løp: 11 ERGA MASKINs Montéløp (ca. kl. 21:20)
ERGA MASKINs Montéløp Varmblods. 4-12-årige høyest 320.000 kr., åpent for alle montelisenser. 2040 m. Monté. Autostart. Maks 10 startende. Premier: 20.000-10.000-7.000-5.000-3.000-(2.000) kr.
Varmblods Auto

Dist.	Nr	Hestens navn	Kusk	Inntjent	Volt	Auto
2040	1	C.C. Lina	Ronja Good Djøseland	231.250	1.17,4v	1.14,8a
2040	2	Traffic Light	Lene Bjånes Indrevær	297.007	1.15,2v	1.14,8a
2040	3	Lexby Girl	Lise Hjetland	136.600	1.17,0v	1.14,6a
2040	4	K.L.M. Kilroy	Caroline L.B. Morken	308.500	1.16,9v	1.14,6a
2040	5	Center Käll	Malin Berås	262.231	1.14,9v	1.13,6a
2040	6	Glide	Kristine Kvasnes	279.500	1.16,7v	1.15,6a
2040	7	Bar Story	Kari Anne Knutsen	61.000	1.17,5v	1.15,9a
2040	8	Lillruben	Charlotte Steine	279.941	1.17,2v	1.14,3a
2040	9	Oakridge Starcraft	Monica Refsland	272.000	1.16,1v	1.13,8a
2040	10	Umpire Boko	Siw Helen Bø	177.681	1.18,7v	1.14,8a

Ein rapportert, og ein 4. plass

2011-06-09T20:42:00.000+02:00

På Forus starta eg med prøveløp med Hage Svarten. Han fungerte veldig fint i varminga og gjekk ein fin 500 meter i 1.30-fart. I prøveløpet gjekk det ikkje like bra. Fyrste runden var ok, han åpna første 500 meter gjekk på 1.41 og auka til 1.37,7 første 1000 meter. Då var det over. Siste runden trøbla han meir og meir med travet og eg måtte bera han til mål. Eg vurderte å bryta, og burde kanskje gjort det. For han var skikkeleg dårleg ned oppløpet og eg visste ikkje om eg skulle halda igjen eller smatta for å få han i mål. På grunn av det dårlege travet vart han rapportert, og dermed ikkje godkjent. Tida var godkjent på 1.37,1, men det hjelper ikkje når dei vert rapportert.

Hage Svarten, foto: Rune Eikeland

Så var det Fin Fyr sin tur. Han skulle ut i eit montéløp. Me hadde 40 meter tillegg, men det var ingen som starta frå strekdistansen og hesten som skulle ha starta frå 20 meter var strøket. Dermed skulle det liggja til rette for at me skulle koma fint til. I det fyrste forsøket, som vart omstart, raste han avgarde då eg snudde opp. Eg rekna med at han kom til å gjera det i den neste starten og, dermed venta eg litt lenger med å snu opp, men då var han ikkje like ivrig. Det resulterte i at me fekk ein dårleg start, og kom til som fjerdehest. Høgda Svarten tok teten og raste avgarde åleine i front i sitt eige tempo. Tempoet vart auka heile vegen. Fin Fyr var rullete i aksjonen, og eg visste ikkje om eg skulle stola på at han haldt travet og berre ri eller om eg skulle passa han.

Då han fekk hest på sida svarte han opp, og han kjempa med dei. Dei som var bak han etter starten, kom aldri forbi. Me låg som fjerde ekvipasje heile vegen, og enda på 4. plass i mål på 1.29,2. Han har ikkje trava fortare enn 28,9 i monté, så dermed må me vera nøgde med innsatsen, sjølv om eg helst skulle ynskja at han viste meir vilje.

Fin Fyr, foto: Rune Eikeland